تكلمي قولي ترى اليـوم بنسـاك
خلي الفراق يصير يابنت هالحيـن
مابي اكون بوسط قلبـك ومالقـاك
ابي حضوري ترتجف له شراييـن
يابنت ماهو عيب لاقلتـي مبغـاك
العيب اني فـي رجـاك وتغلييـن
دايم اجامـل وانتظـر واتحـراك
واقول باكر يمكـن انـك تحسيـن
وشلون افرق بين بعـدك ولامـاك
دامك بوسط القلب وماتشوفك العين
غرك هوى غيري وبسلوبه اغراك
اذا انكرك في يوم يمكـن اترديـن
وشلون هان الجرح في قلب مولاك
وشلون خنتي واحد لـه اتوديـن
المشكله يابنـت لا قلـت ابنسـاك
اذكر عهد حبك فـي ذمتـي ديـن
والله احبك حيل بس غيري اعماك
روحي معه مايسكن الخافق اثنيـن
اعاهدك بلـي خلـق مـن تمنـاك
ماحب غيرك لو غيـري اتحبيـن
هاذعهد من قلـب حبـك بدنيـاك
ارخص حياته كلها لجـل ترضيـن
حبٍ رسمك بداخلي كيـف يمحـاك
والله ماتمحاك من دنيتـي اسنيـن
الله واكبر مـن يسـوي سوايـاك
اقولها والدمع في العيـن تكفيـن
اقولها والقلـب مجـروح منسـاك
اقولهـا حسـي تـرى ماتموتيـن
اسمي رجيتك لانطقتيـه بشفـاك
قولي حرام يموت فالحـب وافيـن
هاذي النهايه مابقاء شي ماجـاك
واللى حصلي منك طعنـه بسكيـن
تحياتي الصباحيه للجميع
[rams]http://song1.ozq8.com/music/gulf/saudi/abdo/ram/abdo63.ram[/rams]
مواقع النشر (المفضلة)