اعزائي اعضاء هذا الصرح الشامخ
للحب حالات تجبر الشاعر ان يتطرق لعناوين
ربما تكون دارجه بيننا وينسج عليها خياله
وتكون بوح من اعماقه ومحاكاه للشعور
لن اطيل عليكم ... اليوم أقدم لكم هذه الفاتنه
ربما تكون مختلفه بعض الشي عن مضمون القصائد العاديه
ولكنها ستنال شرف إطلاعكم عليها
[poem=font="Simplified Arabic,4,white,normal,normal" bkcolor="transparent" bkimage="backgrounds/28.gif" border="groove,5,red" type=2 line=0 align=center use=ex num="0,black"]
أقرّ أنا المذكور توقيعي ادناه = باني تركت الحب حلوه ومرّه
واني تركته دون تهديد واكراه = وش لي بحبٍ ذقت منه المضرّه
الحب يجرح والجرح منه ماقواه = والحب مامن خير عجلٍ بشرّه
ياما سهرت الليل مهموم وياه = ياما على شانه ربوعي تشرّه
ياما نظمت القاف بعناد ورضاه = حتى القصيده من هواها تمرّه
قلبي وهوقلبي تعذّب وعنّاه = والله مايلقى علومٍ تسرّه
ان قلت روح يمين لوّح بيسراه = والله مايمشي على الكيف مرّه
مجرى حياتي غيّر الحب مجراه = كنّي غريب وتايهٍ عن مقرّه
هذي الحقيقه كافي القلب ماجاه = يامشتقي بالحب ياكثر شرّه
جعلك مراح مقاط ياحب ورشاه = مالك بوسط القلب مثقال ذرّه
أقر أنا الجروح قلبي من اقصاه = باني تركت الحب خيره وشرّه
هذا قراري لايمي صدق يقراه = صوره من الاقرار للّي تشرّه
وسلامتكم
ساحر البسمه[/poem]
مواقع النشر (المفضلة)