بسم الله الرحمن الرحيم

قصيدة فزاع احمر الورد , اشعار فزاع , شعر احمر الورد , ابيات من كلمات حمدان ال مكتوم (فزاع)

أحمر الورد أجمل شيّ فـي البستان
بين صوت الطيور وخضر الاغصاني

والـمشاعر .. لو تجرّد من الإنسان
كيف يَـعْرف شعور اخوه الانسـاني

والـمحـبّــه من الإيمـان .. والإيمـان
شيّ وسـط الـضمير ، وشـيّ برّاني

وانت يالأنسـي اللي كنّك مْن الجان
إختر الشـكل الاوّل ، وافهـم الثاني

لك سـنه وانت لا راضي ولا زعـلان
قصـدك تذلّـني ، والاّ تْـحـدّاني

سـامح الله سـطـوة رمـشـك الـفتّـان
يوم خـذني على غـفلـه و ودّانـي