بسم الله الرحمن الرحيم

قصيدة سعيد بن مانع الناجحه والراسبه , اشعار سعيد بن مانع , شعر الناجحه والراسبه , ابيات من كلمات سعيد بن مانع القحطاني


قال إبن مانع يوم جر الصوت في تالي نهـار
حزةٍ خاطره ضايق .. وإحتما الهوجاس بـه
احمد الله ع الشدايد يوم هـي مثـل إختبـار
ميّز الأصحاب بين .. الناجحه .. والراسبـه
أفرحوا يالناجحيـن وهاكـم الخـوه شعـار
وأسرحوا يالراسبيـن وراجعـوا المحاسبـه
خوةٍ ماهي على طيـب ومعـزه وإفتخـار ؟
ماتناسبنـي ولاهـي للـرجـال مناسـبـه
الخوي لاعز شانـي يبشـر بعـز وعمـار
في .. " هدد ومناشبه" .. ولاّ " سعد ومناسبه "
ومن تردا في خويـه ماجنـا إلا كـل عـار
جعل رجلـي ماتعتّـب كـل قـاعٍ داس بـه
المخوّه ؟ تمتلـك معنـى بقامـوس الحـرار
والطلاقه ؟ بنت شيخٍ حي مـن هـو ناسبـه
والمدايح ؟ نارهـا حيـه وتقـدح بالشنـار
والحطب ؟ يمنا لجـزلات الفعايـل كاسبـه
كل عمـرٍ بيتوقـف غيـر وقّـاف العمـار
ولا بقا للرجل غير اللي اذكروه النـاس بـه