بسم الله الرحمن الرحيم

قصيدة سعيد بن مانع آهلآ وسهلآ , اشعار سعيد بن مانع , شعر آهلآ وسهلآ , ابيات من كلمات سعيد بن مانع القحطاني


اهلا وسهلا صباح النور من نورك
محلى صباحى مدامك من يصبحني
كثـير قالو صباح الخير بحضورك
بس انت منك صباح الخير تذبحني
شباكك اللي يغني فيه عصفورك
فرحو بقعدتك مثل ماتفرحني
مسرحك يشتاق في طلتك وظهورك
عطني يدك وسدل السترح وصارحني
يامبدع بالدلع ارفق بجمهورك
بسمتك بالذات تجمعني وتطرحني
سبقتني بزياره قبل مازورك
بغيت اداعب عيونك قبل تذبحني
اكتبني العاشق اللي زين السطورك
اي بالله استاهلك من غير ممدحني
انا الوحيد اللي يرضى على جورك
وزعل وصالحك قبل انك تصالحني
الصبح مفتون بشوفتك وعطورك
والورد مجنون قال العطر يجرحني
والجو بارد وجيت وجى هنا دورك
بردان وارجوك قلي بيش تنصحني
ادفى على ضمتكك ولا على شعورك
المشكله ذي على هاذيك تفضحني
اخاف من شوقي اطلعك من طورك
وتهب خصلاتك اسودا وتلفحني
وانا لو اطيع شورك وارضي غرورك
يمكن تمر الليالي ماتسامحني ماسرك الحال يالي تسأل اخباري
ماكنك تشوفها في وسط عينيه
جدار بيتي سكوته زعل صغاري
مابه شهاده ولالوحه جماليه
ان جيت في مسكني بدق مسماري
يرفع علي صاحبه دعوه قضائيه
لذلك انام به واسدده جاري
واتملكه في حدود احلام ورديه
ليه السكن صار حلمي واغلب افكاري
مع ان ملكنا امر بحلول جذريه
ايا سعاده وزير اسكانا داري
ان بعضنا عند سورك دور الفيه
لكل بيت انكتب للبيع ياشاري
وين اشتري والعقار اطول من ايديه
اصبح من المستحيل حسابي الجاري
يجلب لي ارض مساحتها ثلاث ميه
يا انفذ الامر عاجل والوضع طاري
او سهل امور تطوير العقاريه
والله ماملك متر او شبر في داري
مانرتبط غير في حاجات روحيه
اليا دعتني اللوازم تسقط اعذاري
اموت واحيا على حب السعوديه
انا اتجند بلا تجنيد اجباري
من حبي افدي الوطن من غير جبريه
ياربنا الرازق المتكبر الباري
تعوضني بجنتك بيت وحوريه

وجه الفرح مكبوت والحزن ملسون
ملسون له حجه وصوت جهوري
احرجني بحجته واصبحت محزون
واصبح حضوره طاغي في حضوري
ياليت مالي قلب شاعر ومفتون
كان اتفرغ لي واعدل اموري
يامترف الاحساس شاكر وممنون
على الجروح الي تبنت ظهوري
اداوي جروحك وانا منك مطعون
بجبر كسورك واهمل كسوري
تزخرف العنوان من دون مظمون
تسهر بليل الحب والنور نوري
قصرت انا بأسباب وامنت من دون
يعني قصورك هو دوافع قصوري
كسرت بيت الشوق وتقول موزون
وانا لو اقبل فيه تخجل سطوري
راحت ثلاثه ايام وماقلت والعون
منت بكفو حبي وصادق شعوري
تعجز تجي بضروف عندك تلفون
لو هي ثلاث حروف ترضي غروري
بالعون ابي فرقاك ياليت لي عون
وفرقاك ماهو من دواعي سروري
شوفتك مثل الماي لاطعم لالون
لكن يبقى في حياتي ضروري
وان كان هـ ابا اكون ولا فلا كون
ماطعت شور القلب والشور شوري
موت الضما عندي ولاعيشت الهون
اخر كلامي لك تقبل مروري