اعزائي اعضاء هذا المنتدى الرااقي

الاطلال وما ادراك ما الاطلال هي الذكريات

والعوده للزمن الاصيل وكل ذكرى حلوه لو كانت اليمه

اليوم اعرض عليكم هذه الشامخه ... وقد نالت شرف

اطلاعكم عليها ... اليكم القصيده

[poem=font="Simplified Arabic,4,white,normal,normal" bkcolor="transparent" bkimage="backgrounds/28.gif" border="groove,5,firebrick" type=2 line=0 align=center use=ex num="0,black"]
على ذكريات الوجد ومشاهد الاطلال = وهاك المكان اللي جمع ناس مشتاقه

على صوت همس الليل وحرفي وضي هلال = وصوت الهشيم اللي سرى باقي اوراقه

جيت المنازل خاليه مابها منزال = ولافيه غير اهوال والشوف ماحاقه

وهاك البويت الطين مكانه بعد لازال = خلي مابقابه شي سوى بابٍ وطاقه

تلاعبّي الهاجوس بكيفه يمين شمال = ولا للهواوي غير صبره مع ارهاقه

وهلّيت من عيني وبل دمعي الهمّال = واثر دمعة الاشواق بلحيل حرّاقه

ذكرت الحبيب اللي تجمّل بنقش الخال = عليه اذكر الله دوم سبحان خلاّقه

ذكرت الحنين وحب عذري وراحة بال = وشوقٍ بدا بآمال وزادت به اشواقه

سقاني زلال الما من الجال لين الجال = من المزنه اللي وبلها لاح برّاقه

الا يازماني مابيدي حيلةٍ واحتال = لقيت الهوى ضدّي والاوقات سرّاقه

تغيّر ظروف الوقت والحال نفس الحال = رضيت بحلوم الليل والوقت مالاقه

الاياعشيري ياحبيبي ياراس المال = ديارك غدت والنفس بلحيل منعاقه

حلفت وحياة الله وربٍ خلق الازوال = لاجيك لو نواف غدى منكسر ساقه

واسافر لدار ودار ولوطال وقتي طال = ماطيق بعد الصاحب الغض وافراقه

ابحمل ورود الشوق في قلبي الحمّال = وابهدي ورود الشوق للزين في باقه

ابلقاه واقضي باقي العمر والاجيال = ويهنى فوادٍ مابقى همّ ماذاقه

واذا مالقيته عشت عمري على الاطلال = وتبقى محبّتنا سواليف عشّاقه

وسلامتكم

ساحر البسمه

نواف المطيري[/poem]