[poem=font="Simplified Arabic,6,darkblue,normal,normal" bkcolor="transparent" bkimage="backgrounds/15.gif" border="ridge,4,gray" type=3 line=0 align=center use=ex num="0,black"]
شكيت الحبايب من اللي جرالي= وانا يعلم الله ماحب الشكاوي
حبيبي احبه ولا هو يبالي = يساوي عيوني وقلبي يساوي
يقرّب لصوبي واغني والالي = ويبعد وكني ومالي عزاوي
هجيري وشمسي اشوفه ظلالي= طبيبي وطبّي وطبّه مداوي
وترا القول قوله وقوله يقالي= ترا الشور شوره ولوهو يغاوي
ترا الحسن حسنه يفوق الجمالي= ترا النور نوره كما البدر ضاوي
ترا له عيونٍ شبيه الغزالي= ووجهٍ جميلٍ به الزين حاوي
ترا الشعر لونه بلون الليالي= على الكتف سايح سواة المراوي
ترا الوصف وصفه يفوق الخيالي= تخيل تخيل ومالك هقاوي
احبه واحبه عداد الرمالي = احبه وقلبي بدونه خلاوي
فعلت الفعايل فعلت المحالي= عطيته عطيته ياكثر العطاوي
كتبت القصايد بيوتٍ جزالي= تعبت الكتابه ولاني بقاوي
اناظر عيونه واضيّع بحالي= تجيني بلاوي تجيني بلاوي
اناظر عيونه وجوّي صفالي=وقلبي لقلبه رفيقٍ مخاوي
وفجأه بعدها معد له زوالي= اناظر واثرّني من فراشي هاوي
سعود[/poem]
مواقع النشر (المفضلة)