(بنات الريح)
تعلمنا الفروسيّه .. و شاقتنا بنات الريح
الى جت ما تقول إلا خلقها الله مختاله
لها عشقٍ قديم يقوم فعيون العرب و يطيح
و لها عزٍ نهار السبق كلٍ ودّه يناله
رماحٍ تعبر المضمار بين الصوت و التلويح
حشا ما كنها إلا كل رمح يسابق ظلاله
إلى بان المذهّب من يبين بحزّة الترجيح
و أيادي مَن ؟ من أهل الخيل بعد شوّي تشتاله
ماهيب أيّه فرس من كثّروا في فوزها الترشيح
و حصانٍ .. من نشد عنّه لقاه من أطيب سلاله
إلى مرّت نواصيها المنصّه و الجموع تصيح
خطير يطوّح الرجال بشماغه و بعقاله
وش أنعم بالبلد عقب الهجاد و كثرة التصبيح
سوى حرٍ وراه الصافنات تنومس رجاله
على صهواتها كمّل معزّي دعوة التصحيح
معا قطعة حرارٍ من هل التوحيد خياله
و أنا أحب الفروسيّه و تغريني بنات الريح
و أشوف الخيل جات و في ظهور الخيل خياله
قصيدة ناصر القحطاني بنات الريح , اشعار محمد الاحمد السديري , شعر بنات الريح , ابيات من كلمات الشاعر ناصر القحطاني
رد مع اقتباس
مواقع النشر (المفضلة)