بسم الله الرحمن الرحيم

قصيدة ناصر القحطاني الفقيره , اشعار محمد الاحمد السديري , شعر الفقيره , ابيات من كلمات الشاعر ناصر القحطاني



(الفقيره)


يسعد صباح الفقر يا اللي تذمّينه
في ذمتي ما انتي من الفقر معذوره
ما شلت هم الرغيف اللي تشيلينه
كل الهموم لسواد العين مذخوره
ما انتي فقيره تقولين اليسر وينه
يا قطعة السكر من الملح ميسوره
من علم الجوري انشدوة بساتينه
من هز ريش النعاس اللي كسا حوره
من ذكر الخيزران اللي نسى لينه
من جدل الليل لين اختال ديجوره
سلسالك الفضي - اصلا - لو تزمّينه
ما راحت اكثر عقود الماس مغروره
و الازرق الرث يا ملحه و يا زينه
ابها من ارض ٍ نهار العيد ممطوره
مستورة الحال بس القاف تغرينه
ليه اتنحّى و اخلي الحال مستوره
والله لأغني لفقر ٍ غنت سنينه
لين ايسر المترفات تموت مقهوره
قالوا لي ان الجديل اللي تربينه
معه تربين حلم ٍ فاحت عطوره
قالوا بذاك الركن سر ٍ تخبينه
و مراية ٍ من رداة الحظ مكسوره
لا ينكسر مثلها الخاطر و تشقينه
تمنظري في المرايه حي هالصوره
مذكور جرح ٍ ورا الاضلاع تخفينه
و تحت المخده رسالة عشق مذكوره
اثر الهوا جاي يسوق الشوق بإيدينه
غصن ٍ جفاه اليباس و زف عصفوره
يا من يكون الحبيب اللي تحبينه
يا اللي بوجه الليالي ثروه و ثوره
وقت مضى ملمس اللعبه تمنينا
و اليوم خضر القلوب العاب منثوره
الحزن .. ليه العيون السود في عينه
و البحه اللي ترد الروح مذعوره
فقر ٍ ستير ٍ ولا ازكى من رياحينه
ولا نعيم ٍ فضوح ٍ تغرق زهوره
و الميت اللي يبي دعوات حيّينه
كنتي وصاته و نزفه و آخر شعوره
يا زمة الغيم و رخاية هدب عينه
ما قلت لك ما انتي من الفقر معذوره