بسم الله الرحمن الرحيم

تجربة تكثيف الشعر , خلطة مضمونة لتكثيف الشعر

تجاربي الجهنمية في شعري :
من 8 سنين تقريبا كان شعري مو مره كتير و كمان مو مره خفيف يميل على الكتر اكتر
و كنت اتمنى انه شعري يطول و مازلت و سمعنا عن زيت اسمه زيت الحية و اشتريته
و استمريت عليه إلين خلصت العلبه ما شوفت نتايج كتير يمكن شعري طول شويه لكن ما كتر
و كمان صار انعم ،و بقيت فترة ما كنت اسوي شيء لشعري تقريبا سنة و نص و كان كل ماله يخف اكتر حتى الشعر الامامي بدأ يتساقط على خفيف لقيت طريقة زيت مره حلوه فيها محلب
و شعير و حبه سوده وحلبه إستمريت عليها شهرين ما شاء الله شعري صار صحي و بدأ يكثف حتى صحبات ماما اعطيتهم منه و مره عجبهم و ناسبهم بس سبته لانه طريقة عمله متعبة و لازم احطه يوم بعد يوم و كنت وقتها
ادرس في المدرسة ف كنت اكسل اني اتحمم اول ما اصحى خصوصا انه اختكم تكره تتحمم قبل لا تنام ف سبته بعد فتره سمعت عن موية البصل و اااااااااااااااااااااااااااااااه من موية البصل يوميا احطها سمعت انه او اسبوع ح ينزل كل الشعر التالف و تاني اسبوع حيخف التساقط و الله و الله و الله انه شعري طول الاسبوعين وهو ينزل بشكل يخوف يعني مش معقول انه هدا كله شعر تالف و انا وحده ابدا مو حق صبغات اهلي كانوا يمنعوني اني اصبغ عشان لا يضر شعري و فوق هدا كله كان شعري مقصف و حاله حال بعدها خلالالالالاص ودعت شعري من بعدها الين دحين شعري ما زال يتساقط برغم اني جربت

زيت دكتور عبد الباسط تقريبا كان ب200
او 250 ناسية بكم و لا فادني ما حسيت بأي فرق إلين ما كنت أدور في النت على خلطة تنفع شعري و قرأت لوحده تجربتها مع السدر مع مغلي البصل والثوم <--- ما حرمت ههههههه و قولت يا بنت جربيها ما تخسري و انا اسوي الخلطة قولت الثلاجة مليانه جرجير خليني احط جرجير و كان من ضمن الطريقة انه احطه مره في الاسبوع و لو حطيته مرتين يكون احسن حطيت الخلطه و غسلت شعري و الله يا بنات انه شعري من اول مره وقف التساقط 70%
 و انبسطت واتحمست قولت طالما انه مرتين في الاسبوع افضل ليش ما احط و حطيتها و غسلت شعري و الله نعومة و ما في أي شعره و حده نزلت من راسي و الله اني انقل تجربتي بكل امانه بس عشان اكون امينه اكتر اخواتي ما اعرف ليه ما نسبتهم مو انه ما وقفت التساقط لا هما اصلا حطوها مره وحده ونشفت شعرهم ومعروف السدر ينشف الشعر بس انا كنت اخلص إستحمام احط في يدي زيت سمسم و احطه على شعري و هوا مبلول و ما في احلى منه .
 ملاحظة :
 ترا جربت الخلطة بدون جرجير للأمانة ما ليقت نفس النتيجة .
اوكى نجي لبرنامجنا اللي ح نمشي عليه :
 اولا : خلطة الشعر على حسب كثافة و طول شعرك 10 حبات جرجير مع نغلي بصل و ثوم الين يصير اصفر و زيت خروع و زيت زيتون و سدر و نخلطها سوا مزبوط و نحطها على الشعر من 6 – 8 ساعات و نكون مغطيين شعرنا .

ثانيا : الاكل لازم منه ما في شيء يجي بدون الاكل السليم لازم و حطي تحتها 100 خط تاكل يوميا على الاقل حزمه و نص جرجير .
 ثالثا : نقلل صبغ و إستشوار و كفايه إيسائه لشعورنا .
 رابعا : نستغنا تماما عن كريمات الشعر و نستبدلها بزيت سمسم .
 هيا حبايبي شدوا الهمه و خلونا نستمتع بشعر
كثيف و طويل و ناعم زي الحرير
بالتوفيــــــــــــــق .

منقووووووول