بسم الله الرحمن الرحيم

قصيدة شبيب الدقباسي لولا وجودك , اشعار شبيب الدقباسي , شعر لولا وجودك , ابيات من كلمات الشاعر شبيب الدقباسي

لولا ظلام الليـل مابيّـن الصبـح ولولا المواقف ماتبـان الرجالـي

ولولا الغرق محدٍ تعلم على السبح ولولا الفرج خاويت سود الليالـي

ولولا الخساره تنعدم قيمة الربـح ولولا وجودك انت عزي لحالـي

غلاك ذابحني وانـا قابـل الذبـح لو منت غالي كان مارخصت غالي

لاتلتفـت للهـرج يامبعـد الشبـح هرج القفا طبـع الـردي لاتبالـي

ال××× حول البيت يكثر من النبـح والذيب يعوي بالرجـوم الطوالـي

وانا معك من غيبة الشمس للصبح والصبح روح وخل طيفك قبالـي