بسم الله الرحمن الرحيم

قصيدة حمود جلوي قبلك وقلبي , اشعار حمود جلوي , شعر قبلك وقلبي , ابيات من كلمات الشاعر حمود جلوي

قبلك وقلبي ما عرف طاري الخوف
ولا دقت الأحزان في يوم بابي

عايش حياتي لا مشاكل ولا ظروف
مرتاح تمشي دنيتي كيف مابي

واليوم كل هموم خلق الله ضيوف
في داخلي واللي سرابك سرابي

أحسني فوق المعاناة مكتوف
لا قادر أوصل أو أوصل كتابي

ياللي تطالعني بطرف عين وتطوف
للحين عطرك عالق في ثيابي

لا صرت ماتحسب حسابي وانا اشوف
في غيبتي وشلون تحسب حسابي

سنتين وعيون الشعر تنزف حروف
سنتين واللي ما جرابي جرابي

سنتين حتى الشوف ما عاده الشوف
طاغي على سيد حضوري غيابي

ياكثر ما سويت بالناس معروف
وفي طيحتي ماشفت واحد درابي

طوفتها لكنها عيت تطوف
عاتبت لكن منهو يسمع عتابي

أقدر اجيب اقصاه لكن يابو نوف
ما أعرف أحابي كان غيري يحابي

يا صاحب الجرح الجديد الجفا سيوف
ولا ظنتي مثلك يحس بعذابي

لا صرت عايش لا مشاكل ولا ظروف
شاللي يضرك لو يطول غيابي؟؟