بسم الله الرحمن الرحيم

قصيدة حمود جلوي علاقات المصالح , اشعار حمود جلوي , شعر علاقات المصالح , ابيات من كلمات الشاعر حمود جلوي


الدرب ممشي والهموم إن قاله الله ماتدوم
والناس يابن الناس تعرف منهو حمود جلوي
أطيب من الطيبه مع الطيب بحزات اللزوم
وأقوى من القوة مع اللي يعتقد إنه قوي
ماطاح من راس النصيب إلا قويين العزوم
وإلا الرخوم تشوفهم مانجمهم يوم يهوي
وأنا أعرف اللي يجيبون ويودون العلوم
وأقرا من عيون الأوادم هالقلوب اشتحتوي
أنا خوي اللي إذا ضاقت علي جاب النجوم
وإلا خوي المصلحة والجيب أعده خوي
البارحة يابو علي عيت عيوني لا تنوم
البارحة ذيب الهواجيس يتناخى ويعوي
جتني من علوم الردى من ناس أحشمهم علوم
سويتها لكنها عيت براسي تستوي
البارحة ماطحت لكن حظي عيا لايقوم
البارحة كن الصدر ديوان والضيق بدوي
أرمي ورا ظهري سوالفهم وأعديها وأشوم
ربعي ومن مثلي مع ربعه زللهم يحتوي
بس الزمن يجبرك غير هدومك تفصل هدوم
والفهلوي ودك معاه تصير شخص فهلوي
اللي إلا منه عرض نفسه يلاقي من يسوم
اللي قضى عمره وماله بالطريق الملتوي
اللي على عيوب البشر دايم سواليفه تحوم
واللي تشوفه من معاميل الرزايل مرتوي
وإلا أنا يابو علي ماني من الشر معدوم
وإن كبرت براسي وراسك لأشوي أطلقهم شوي
الأمر لا وصل الكرامة صار عندي محسوم
ولا عاد ينفع بالخواطر لا حبيب ولا خوي
لا العذر ينفع وقتها فينا ولا حب الخشوم
دون الكرامة صاحبي نلوي شواربهم لوي
تتغير الناس وعلاقات المصالح ماتدوم
وابقى انا يابو علي نفسي اناحمود جلوي