بسم الله الرحمن الرحيم

قصيدة يا عظيمة ٢٠١٤

يا عظيمه يا شذى روح المعاني
باح حرفي وارتدى وشاح الموده

يا عظيمه سامحيني وما دعاني
أستهل احساس جامح من يرده

غير حبٍ خذ مساحه من كياني
أهلك بجزره واتنفس بمده

يا عظيمه لا تلوميني ولاني
قادره أكبح مشاعر مستبده

إنتي أجمل همس ينداح بمكاني
وانتي أعذب عطر في شريان ورده

امنحيني يا الغلا حفنة ثواني
أجعل الإحساس يبدي ما أوده

إنتي ليل وشمس تشرق في زماني
وانتي حبٍ ما قدر قلبي يعده

إنتي حلمي يا عظيمه والأماني
وانتي نور العين ما أقدر أفقده

اسكنيني وامنحيني حب ثاني
وحر شوقٍ يثلجه غيثك ومده

وكف حاني يرغب يكفكف هواني
ويمنح التايه ضيا دروبه ووقده

عشت أيامٍ بكت فيها المحاني
وشفت موت الحلم واعدامه ووأده

يا عظيمه ربي المولى عطاني
صبرٍ وحلمٍ تمادى وزاد حده

ودي وودي وهذا اللي عصاني
إني ارجي الحظ ابوس ايده وخده

يا عظيمه إن نهر جودك نساني
مستحيل انساك أو صرحك أهده

إقبلي حبي ولو حتى عشاني
واحكمي قلبي وخذي وعده وعهده

مهماا فلنا ماراح نوفي حق الام لـو ب مقدار جزء من الذره
ف حق الام شي عظيم وكبير
[يمه لو تبي تعرفي معزتك تسوى كم
روحي للبحر وانتظري ينتهي طوفانه]

الله يرحم موتى جميع المسلمين
تحياتي