بسم الله الرحمن الرحيم

قصيدة منت بكفو ٢٠١٤

جيتك بطيب وخلني ارحـل بطيـب
منت بكفـو لمحبتـي واشتياقـي ؟؟
تسمـع لقـول مجمعيـن الاكاذيـب
ويلي على ادري بس ويش انت لاقي
باغيب واقفي عنك واسمح لي آغيب
اما على المرجاع ؟؟ ماني بهاقي ؟؟
عطني وفاي اللي كلتـه اللواهيـب
واعطيك حب ٍ خاطري منه شاقـي
فعلك .. يكدر صافيـات المشاريـب
حتى ما عدت اشتاق ذاك التلاقي ؟؟
اضحك واجامل بين بسمه وترحيـب
محدٍ درى عن علتي .. واحتراقي ؟؟
جروح غيرك يمكن تزول وتطيـب
ولا انت جرحك بين الاضلاع باقـي
لا تدور لفرقاي جـرح وتصاويـب
وابشر بعزك دام تبغـي فراقـي ؟؟