بسم الله الرحمن الرحيم

قصيدة الا يا ضحكة العاشق الا يا دمعة المحروم ٢٠١٤

ألا يا ضحكة العاشق ألا يا دمعة المـحـزون

ألا يا مـن طـواه البيـن بيـن الهـمّ وسنينـه !

ثغر يضحك على الدنيا خَذا غصـبٍ عليهـا مـزون

وثغر يشكي جفا الدنيا وهي تضحـك علـى ذقونـه

غريبة حـال هالدنيـا : تلـوّع ثـمّ علينـا تمـون

تمنينا الفرح لحظـة ؛ وتهـدي الحـزن وطعونـه

كسير ٍ بالهوى يعشـق .. يـدوّر للوصـال عيـون

خذلْـه الحـظ والدنيـا ؛ يمـوت الحلـم بعيونـه

جريح ٍ كل مـا جـدّتْ جروحـه : قالهـا بتهـون

ذوتْ روحه وهـو صابـر يبـي يعْـدِل موازينـه !

حسايف من قضى عمره وهو يطرد سـراب النـون

حسايف كيف حال الوقـت مـا بينـي ومـا بينـه

حسايف كيـف تتلاقـى خطاوينـا بْزمـن ملعـون

يعتِّـم واثـق الخطـوة ؛ يصوّبنـا بْشياطينـه ..!

زمن جاحد ؛ زمن غادر ؛ زمن يا ناس لـوْ تـدرون

يخلي راقيـات الحلـمْ : تصيـر حْلـوم مغبونـة !

وانا ما هزّ عرش الحب في قلبـي سـوى المفتـون

" ندى اللولو " ولوْ تامـر وربـي الـروح مرهونـة

يقول اللي عدل حظه تـرى ربـح القلـوب فنـون

واقول انـه ربـح قلبـي ؛ فـداه الحـب وفنونـه

عشيـق ٍ كـل مـا سلهـم يبيّـح سـدّه المكنـون

يدوزن بالحكي وصفـه ؛ شفـوف الفكـر داعينـه

أضيع بْلُجّـة ابحـاره ؛ رهيـفٍ للشعـر مـوزون

جليد الشي لو وده : حدر ؛ ويـذوب مـن حينـه !

لباك الشوق لك لبى ؛ واخاف مْـن الفـراق يـدُون

واذا طاح الجمـل تـدري : تـرى تكثـر سكاكينـه

أنا وان قلت ما احتاجك ؛ ترى احتاج الحكي المجنون

يبلـل ظاميـات الوجـد ؛ يـرقّ القلـب ومتونـه

وترى لو قلت ما احتاجك ؛ أبد مالي سند أو عـون

باموت ولاطَـرى ذكـري سـوى هاللحـد وكفونـه

كفاني يـا الخلايـق بُعـد أبيـه ولا أبـي مليـون
غلا روحـه مـلا كلـي ؛ مـلا قلبـي وشرايينـه

أبيه لْضحكة العاشـق وبامسـح دمعـة المحـزون

وأبي لا من طواني البين : أموت بْضمّـة ايدينـه !