بسم الله الرحمن الرحيم

قصيدة عزاه ياوقت اللقا مجلسك ضاق ٢٠١٤


؛؛مدخل؛؛


لأحـدٍ مـعاتـبـنـي علـى الـوقت لوهمت
مـادام راســي مــعـتــلــي بـالـرقــيـــبــه

ياحب أنا عن رشفتك بأعترف صمت
وبـالله طـاري رحــلـتــك لا تـجــيــبـه







,
,
,

ياخافقي خل الهموم الدفينه أدخل على الله خاطري تو ما راق
ماعاد فيني للسهر والغبينه لو قلت لك مشتاق ماني بمشتاق
ودعت أنا ذيك المهاة الرزينه والقلب توه من هوى سكرته فاق
على مهب الريح وزع حنينه يوم غربت عن حبنا شمس الأشواق
البعد حطم شوقنا في يمينه وإعدام حكمه للرسايل بالإحراق
أكيد قاسي لكن الله يعينه قلبٍ شرب مر المحبه والإرهاق
طغى بحبه وأنقتل قبل حينه يالله دخيلك غيم الأحزان براق
هذي منازل حبهم تاركينه وهذا مشب أشواقهم حفرها باق
وهذي دلال وصالهم ناثرينه عزاه ياوقت اللقا مجلسك ضاق
ماكان والله بالوصل حارمينه لكن من الأقدار يبسن الأرياق
وش فيك يالغربي تبيح كنينه زعجت دمعٍ حابسه حجر الأحداق
ماكان يزهد يومهم ساكنينه يغضي عيونه لأشعل البعد لهاق
كلش ولا يوم الوداع وضمينه مقطوع ياحبل الرجا سلكك دقاق
لاشك دربٍ كلنا سالكينه دام الحبر ماملته بيض الأوراق
ولا شك ما باب الأمل طارقينه من راح ماعمره على جارحه واق
تبدلت زيف الليال ب يقينه كسر الخواطر غير عن مكسر الساق
معذور ياعشق ٍرفض راحتينه والله بري منته على صدتك عاق
لاتعذلوني والنقا في جبينه الله عليم ولا قفل باب الأرزاق
ياخافقي خل الجروح الدفينه هذي هي الدنيا بها جمع وفراق





؛؛خروج؛؛
أبـعـد مـسـارك لاتــجـي لـو تـكرمـت
مـاعـاد بـه مـن يـتـبعـك يـنـهقـي به

أسـرفـت فيـنـي مـازعلـت وتـكلمت
مـاكـنـت أحـسـب أن اللـبـيـبه لبيبه



مما راق لي
,
,
للشاعر/
عمر الهمزاني