بسم الله الرحمن الرحيم

قصيدة شفتك بعد غيبه ٢٠١٤

شفتك بعد غيبه .. وحاولت أحاكيـك
مهوب من قلبي ولا مـن جراتـه
بغيت أقول / فلان وأزريـت أناديـك
وكني سمعت إسمـي مع الإلتفاتـه
فزيت من نومي وأنـا اقـول لبيييـك
وأثرك رؤيا .. فـي منامـي وجاتـه
صفقت كف .. وقلت يا حلم يشوويـك
جددت لي جرح ٍ هنـى فـي مباتـه
يا اللي شريت البعد .. ما غاب طاريك
حتى لو إن البعـد .. سـوى سواتـه
مهوب محزني .. على حاجـةٍ فيـك
إلا إن قلبي شايـف ٍ بـك غناتـه
كن الطيوف تقـول وش حـال غاليـك
وأقول راح .. وما بقـى غلا غلاتـه
لو إن ما جانـي مـن الهـم ياتيـك
كان المصلي ما حفـظ وش صلاتـه
مريت شارعكم .. وصادفتنـي أخيك
واللي قطع كبدي .. حلاتـك حلاتـه
بغيت ألخبط من دعايـاه ,, وادعيـك
وإسمك وقف بين اللسـان ولهاتـه
وبغيت أجيب العيد وأقول : يرضيـك
فاللي وصاتي له .. وضيّـع وصاتـه
البعد شيّـب خافـق ٍ ميـت فيـك
والى مشى خطوه عثر فـي عصاتـه
مشكلتي / إن قلبـي يحبـك ويغليـك
ومشكلتك / انك شخص عايش حياتـه
كثر الجفا .. نار .. وحطبها تغليييـك
خف الحطب .. لا تزيد نار الشماتـه
إن ما أحزنك جرح ٍ برجواه يدعيـك
ما عاد تفرق .. عيشته مـن مماتـه
قلبي وعمري .. كلهـا بيـن اياديـك
العمر فدوه .. لكـن القلـب هاتـه
وإن ما بغيت ترد قلبي مـا اوصيـك
احسن عزاه .. الـيآ دريـت بوفاتـه