بسم الله الرحمن الرحيم

قصيدة فقد من عقد ياقوته ٢٠١٤

تعال شلون باصفلك شعور يرفض التبرير

شعور عشته بعالـم خيـال يرفـض سكوتـه
غريب وما قدرت الا معه يم الغريبه نسير
غريبـه علمتنـي كيـف ارتـب واقـع بيـوتـه
و لا به بالصبايـا مثلهـا يفـرق دلعهـا غيـر
يا كانت له حكايه بالغنج واسلـوب حدوتـه
بها كل الجزال الوافيـه عـن آفـه التكسيـر
تسابق في غلاها ايهـا الـي تعانـق النوتـه
غلاها يا غلاها يستفز اقصى الظلوع يثير
خفوق اعتادها لين اصبحتله شربه وقوته
زماني قربها ياهالزمان الي تعـدى قصيـر
يا لحظات ابتعاده كنها عـن عمـر موقوتـه
انا للحين طاريها عليها مـن الكـلام اغيـر
اداري زفرتـيـن بالحنـايـا تـمـوت مكبـوتـه
تشابه نزفها رغم اختلاف و دقة التصوير
تعابيـر البخيـل ليـا فقـد مــن عـقـد ياقـوتـه
اناديها شغف طيرٍ عجز حتى لفضـاه يطيـر
و اناديهـا يتيـم والعبايـر حشرجـت صوتـه
لقاها مستحيل المعجز الي مستحيل يصير
اماني حلـم حانـت ساعتـه والقلـب تابوتـه
على الله ما بقالي في هواها الا بقية خيـر
وقـاف ذكريـاتـه كــل لـيـل احـيـاه وامـوتـه



الشاعر عبدالله الشمري