ياقــوّوّ وجهــــــــك
للتواصــل معكـم احبتـي .....
[poem=font="Simplified Arabic,6,blue,normal,normal" bkcolor="transparent" bkimage="" border="outset,4,gray" type=2 line=0 align=center use=sp num="0,black"]
ياقوّ وجهك يوم تطلبني آجيـك=انت إتحسبني بأنلـدغ منك مرّات؟
لا تحسـب إني برجـع اليوم وارضيك =مــن عافـني حــزّه بعوفه لحزات
نفسي عزيزه وانت تعرف ويدريك =اغض عيني عن خطا إلا خطا الذات
ماعاد لي قلبٍ ولا شوق يطريك=حتى ولوطرّيـت..؟ بهجي بالابيـات
بمحي زوالك من حياتي وابمحيك=ماعاد لك ذكرى بليـا مسبّــات
ودي تذوق المرّ من كاسه أسقيك=ياجعل عينك ماتشوف المسرّات
ياللأسف مابان حبي بعينيـك=بعت المعزّه واشتريت المهونــات
رح للذي اغراك علّه يهنيــــك=أما تجي يمي؟؟ ترا حبك أنشـــات
جعل الهموم الغازيه زين تغزيـك=وجعلك مثل ماغرت بي تشوف غارات
الحزن ثم الدمع والغم يطويك=وتعيش عيشة من تمنى المنيّـات
خلك تشوف من الفعايل بلاويـك=ثم أتعرف خطاك وتعيش حــسرات
لاتعتذر لي وتنتخي في خطاويك=قلبي رحوم ٍ لكن ان له كرامات
ابغاك تعرف ياقديمـي وابوصيـك=عندي كرامه فوق كل المقامات
ياقوّ وجهك يوم تطلبني آجيــك=انسى حبيبـي..ماأنلدغ منك مرات[/poem]
رد مع اقتباس
مواقع النشر (المفضلة)