ياعمري الدنيا ماتسوى تنام وخاطرك زعلان
ولابه شي يستاهل يخلي قلبك يعاني
طلبتك كان لي خاطر تبعد عنك الأحزان
فديت أعيونك الحلوه تبسم لو على شاني
حبيبي صار لي مدة أشوفك تايه وحيران
وانا والله لا شفتك حزين تزود أحزاني
أنا احبك ولا ودي تعيش بدنيتك ندمان
ترى ألأيام محسوبة وتالي هالعمر فاني
تصدق بسمتك والله تفرح خاطري الولهان
يطير من الفرح قلبي واصير بعالم ثاني
والى من شفتك بضيقة أحس اني انا الغلطان
أعاتب نفسي بنفسي ولو ما كنت أنا الجاني
غلاك بداخل أعروقي ولا يوصل غلاك انسان
يمر الوقت ويثبت لك غلاك ان الله أحياني
أضحي بعمري لعيونك...تنام انته وانا سهران
وانادي جروحك لقلبي تجي واحد ورى الثاني
الرد على القصــــــــــــيده
حبيبي ماني متكدر ولا تفكر انا زعلان
ولا تفكر ولاتحاتي لان قلبي معك هاني
طرالي شي في ليلي ومسيت بحيرتي سهران
طرالي بعدك القاسي وشفت الهم تحداني
وانا والله لجل خاطرك ابيع الدنيا والاوطان
حبيبي حيرتي لجلك يابعد كل من جاني
ولا تفكر انا بندم على حبي لعز انسان
وانا والله لو عمري يضيع لسيد خلاني
انا اشهد انها فدوه ياوافي في زمن خوان
ياخالق بسمت شفاتي وممحي كل احزاني
وحشى لله ياخلي ماجازي الحب بالنسيان
وانا والله احبك حب ولا افكر بحد ثاني
وانا لجلك ترى اسهر واقضي ليلي بالحرمان
وانادي جروحك لقلبي تجي واحد ورى الثاني
على فكره الرد على القصيده من واحد انا ناقله عنه اعجبتني وبغيت اخليكم تشوفونها وتقولون لي ردكم
مواقع النشر (المفضلة)