[rams]http://www.6rbtop.com/downram.php?song_id=2600&type=au&q=hi[/rams]
سابق خيول الذاكره وافهم الحال
............................ فارقتكم ملتاع والروح طينه
بين العبوس وضحكتي درب رحــال
............................. سافر يساره حــب واجبر يمينه
جيت امسح العبرة عن الدمع لاسال
............................. واقفيت ادور من مجيي حصينه
جيت افضح الآهات بالطيب وخبال
...............................وارمي شراعي من عمود السفينه
حاولت انّزل للأسف صرت حمــال
........................... اشيل واحضن من بلاوي دفيـــنه
منهو يفارق صاحب القلب واللال
..............................والا يفارق صاحبٍ خـــابرينه
هذا حبيبي عند الاقفا والاقبال
............................. مابه عذاريب المها كود عينه
سحرالعيون اللي بهاالشوف قتال
............................صفت رموشه ظنتي حارسينه
جيت الحبيب وعشت لحظات تمثال
............................ماغير اناظر صورتي وسط عينه
بيمناه صافحني ويسأل شـالاحوال
.............................مدري شقول وفي يمينى يمينه
كلي غديت بماقفي صرت مهتال
.............................سكران حب وهقوتي عاذرينه
جلست عنده لكن الوقت مغتال
............................حزين أنا والا المها هي حزينه
فارقتها وفارقت أنا طيب الفال
............................وقفلت قلبي تاركٍ به امينه
ودعتها وقلت تنشد عن الحال
...........................الحال عقبك يالمها صار طينه
مواقع النشر (المفضلة)