السلام عليكم ورحمه الله وبركاته ..
(((( البدايه ))))
لو ظميتك أشربك واظماك أكثر
وإن فقدتك .. أتبعثر.. واتبعثر .. واااتبعثر
تذكرين وإلا نسيتي ... يابعد الحي والميت..
يوم أشرتي على قلبي وقلتي لي ...سؤال ؟؟
((( هذا بيتي )))....؟؟؟؟!!!
يومها غنيت للصبح الأغاني
يومها زفيت للشوق الأماني
تذكرين .... يوم جيتي تسألين
عن طفل يسكن ضلوعي
كيف حاله .... ؟؟؟
وش جراله ...؟؟؟
وانا جاوبتك حزين
في بعادك لملمه ذاك الشتات
حي
لكن أغلبه يابنت مااااااااااااااااات
تذكرين المزهريه
يوم جبتيها ...هديه
وأنتي قلتي
ياحبيبي هذي لك ..بس أنت ليّه
واذكر إني بلا شعور
قلت
واشواقي تفور
أعطني حريتي ..(( بس )).. لاتطلق يديّه
(((( النهايه ))))
ياقلب قلي اليوم وين ....أحبابك وناسك
ــ راحو وخلوك .. وانت اليوم . وحداني
ماضيعك ياقلب غير الطيب .. بحساسك
ــ شف طيبك اليوم ... ياهبل ..وين وداني
قلت لك ياقلب .... اقعد
خله يبعد
أتركه ... خله في حاله
والهوى .. مالك وماله
ماتشوف شلون صارت حالتك ياقلب ... حاله
أدري انك مهتويه
وادري انك ترتجيه
وادري أنه لاوعدك .تروح تركض . تحتريه
وادري مجنون بهواها
وادري ماتلقى بحلاها
بس لو تركد شويه ...مو كذا ... على عماها
وش تسمي شخص باعك
شخص يسعى ... في ضياعك
شخص ماقدّر هواك
ولهفتك له .......... واندفاعك
قلت لك خله ... وروح
دام باقي فيك روح
وانت أصلاً منت ناقص ...
هم ... وألام ... وجروح
قلت لك هذي لعوووب
وش تبي فيها .... تذوب
ماسمعت ورحت يمها
والمصيبه ................ ماتتوب
قلت لك ماراح ينفع كبريائك
قلت لك ماراح يوصلها ندائك
وكنك اللي ماسمع
وشوف وش سوى .... غبائك
بس امانه
وش تسمي فعلته وياك
مو أكبر خيانه.........!!
آخر قطره من حبر قلمي وآخر نفس؟
__ ينطق ويقوول
يابنت اعرف الدموع اللي على شاني
واعرف دمعن على غيـري تهلينـه
كبرت على سوالف خرس الاعياني
ولاعادت الكتب تغرينـي عناوينـه
كل الميادين لـه خيلـن وفرسانـي
ومبدا الكرامه هوى نفسـي ميادينـه
دخلت سوق الصداقه بيـن عدوانـي
ولقيت نفسي كفو وانتـي تعرفينـه
العود وش قيمته مـن دون دخانـي
والعلم لولا الجهل ضاعت موازينـه
والورد وش خانته لاصـار ذبلانـي
ماعاد ينفـع ولـو كثـرت بساتينـه
الجرح ينزف ويتعب نبض شريانـي
وانتـي بصـدك تزيدنـه وتكوينـه
علمتك الحب وش يعنـي وعنّانـي
وشرحت لك درس ماظنيت تنسينـه
السالفـة مالهـا يابنـت عنـوانـي
عنوانها حرف يكتب لـك وتقرينـه
نور القمر عند ضو الشمس خجلاني
بس القهر نجمتـن غابـت تنادينـه
عاش السمك بالبحر ماشاف الامزاني
والبدو تسأل عن الطشة على حينـه
دمع اليتيم انجرح به خد واوجانـي
وغيره على سلة الحلوى دمع عينـه
يابنت مايفـرق المظلـوم والجانـي
هـذاك يبكـي وهـذا سـن سكّينـه
ماجيتك اشكي هموم القلب واحزاني
حشـى ولاهمنـي دمعـن تهليـنـه
عرفت مغزى صديقي قبل عدوانـي
وعرفت نفسي كفو وانتـي تعرفينـه
وسـلامتكم ...
تـحياتي لـكم ؛؛
مواقع النشر (المفضلة)