الأبكــــــــــــار

[al-shmaly]

السلام عليكم ورحمة الله وبركاته




أهديكم القصيده وأتمنى ان تحوز على رضاكم وسامحونا على القصور
واسأل الله ان يوفقني وأياكم في هاليوم المبارك وعلى الود نلتقي
وفي منتدى (الـــــــــــــزيـــــن) نلتقي . . . . . . . . . . . .






تزوج الأبــكار مادمت شبعــــــــان *** وأم العيال في بيتها والبزارين

ياسامع مني نصيـــــــحة وبرهان *** لشبابها وشيبانها والبخيلين

خسران ياللي تجمع المـال خسران *** ماتنفعك دنياك والعمر سبعين

ولدك مرتاح بها وانت شقيــــــــان *** عندك عجوز وجامع لك ملايين

تجي من اعمالك إلى البيت زهقــان *** تبي قدوع وقهوة وشاهي زين

تطلب غداك من الفجر وانت جوعان *** قطعة دجاج مثلج ورز بصحين

زوجتك عجوز كالهزيلة من الضأن *** تلج وتخاصم تقل تطلبك دين

تشكي ضهرها والمفاصــل وسيقان *** والضغط والسكر مع منطق شين

وعيال بنتك عندها تقل فيــــــــران *** تخرب كما خرب سد مأرب شياطين

تكسر فناجيل ودرايش وبيبـــــــان *** صجة ولجة عند وجهك وبزارين

قم واستعذ بالله من كل شيطـــــان *** اظهر وخل البيت وانص الديايين

تلقى سماط وكبسه ولــحم خرفان *** من رأس مالك يخصمونه من الدين

متع حياتك قبل يارثك قطـعـــــــان *** لاشاف جثمانك على القـــبر بكفين

يأخذ بناتك والمهر منه طفـــــران *** يتهنى بمالك وأملاكك والملايين

ويفرش له فراشك وبيتك له اسكان *** يتنعم بثروتك وحلالك يامسيكين

تزوج الأبــكار مادمت شبعــــــــان *** وأم العيال في بيتها والبزارين

اغنم وخذلك بنت بكر على شـــــأن *** تلقى بساتين ثمرها فيتامين

وكل مااقبلت تفز ولو انت تعبان *** تعطف عليك وتهمزك بملس اليدين

رشف العسل بين الشفايا والأسنان *** الله جعل فيها الشفا للمصاخين

ورص النهود وصك فتنة بفتنان *** ينزل عطاس الرأس وصماخ الأذنين

الذ من البارد على كبد عطشــــان *** وأحلى من الوجبة بعد جوع يومين

همهم وحبحب وارتعش تقل سكران *** محروم من شوف البنات المزايين

انسامهن عنبر ومسك وريحــــــان *** من جرب الأبكار عاف ام خمسين

وإن جاء عجوزه نام عند ام عثمان *** من ذاق لحم الريم عاف البعارين

يرجع شبابك والمنولن كما كـــــــان *** يدق سلـــف مايبي دف بيــــدين

تمتع بدنياك حيد العمر فــــــــــان *** اكرم عيالك والرحــم والمساكيـــــن

لابد من يـــــوم تحزم بالأكفــــــــان *** وتحط في قبر على عمـــــق مترين

اموالك جمعتها بمساهمات وبنيـــــان *** وتراك مسئول عن الزين والشين

ينعم بهــــا الـوارث بنات وصبيـــــان *** وعيال بنتك يوم الأحزان فرحـــين

مالك سوى ماأكلت وأبليت وإحسان *** على الفقير وطعت ربك على الدين

وصلوا عدد ماعلت الســــحب وديان *** على النبي اللي هـــدانا إلى الدين ..











أخـــــــــــــــــــــوكم

shmaly

[ಏм!Ss 3sαlಌ]

يسلمووووو ع القصيده الروعهـــ...

[al-shmaly]

الله ويسلمك ويعافيك نورالوجود وكلك ذوق

[فارس مطير]

الله الله


وشلون ما تعجبنى يالشمالب وأنت اللى مقتطفها من أجمل خمائل وبساتين الشعر


تسلم يمينك الطاهرة من العوق


وصح لسان شاعرها ألف مرة


نحن بأنتظار أختيارك للدرّة القادمة


لك تقديري

[al-shmaly]

أخوي


فارس مطير


الله يسلمك ويعافيك وصح بدنك
شكرا على حظورك اللي يسعدنا
وعساك على القوه