السلام عليكم
يارفيع الذوق لك راهي المعنى الصعيب = والعوارف تحسم الأمر في صدق ونـُـبـل
مابقى شئياً على ظاهر الدنيا غريب = ومن لدغــه الداب أبو ناب خاف منالحبل
والرياح العاتيه لو زوابعها تريب = تيبس افروع الشجر بس ماهزت جبل
والثقه بالنفس ميزة رجوله واللبيب = له عن إيقاض المواجع طواريق وســُــبل
ومثل ماللجرح تشخيص وأسباب وطبيب = تتضح غيب المضامين لفراســة شــبل
والكلام بلافعـل قالوا أهل العلم عيب = والوفاء محفوظ لأهل الوفاء بعد وقبل
والرجل يرفع حجاجه ويقِبل مايهيب = لك على وضح النقاء لايبوق ولإيحبل
والردي مايقدر الطيب لو حاول يطيب = ولايحاول يزرع أرض الصبخ غير الخبل
صاحبي له قصة الذيب واللي بالقليب = كل مأخضر للوفاء عود بيدينه ذبل
مرّ عام وعام والعلم بلسانه قريب = مادراء أنه مثل برق السحاب بلاوبل
قصة اللي صابه الزار والملعب مهيب = وأستثاره يوم دقوا على أسماعه طبل
قصةٍ عنها تحدثت مغزاها عجيب = ولاذكرت الاّ كلامٍ عليه ابن جهبل
مواقع النشر (المفضلة)