جرحي كبير ما هو بجرح عادي
لا هو جرح زمن ولا هو من شخص عادي
جرحي غريب ما شفت له مثيل
ما شفت له دم بس حسيت بألم
هذا جرح يا ناس و إلا تمثيل
أنا في حقيقة وإلا في وهم
ما كنت أدري أن قلبها بيصير في يوم عليّ قاسي
ما كنت أدري أنها غريبة عقب ما كانت كل أهلي وناسي
ما كنت أدري أن الحياة عقب الهنا بتصير مآسي
لو كنت أدري أن هذا بيصير من الأساسي
كان ما نطقت اسم الحب وريّحت كل فكري و راسي
ليش
وش سويت لها أنا
كنت لها فرح وهنا
كنت لها الحنــان
وكانت لي الضنا
ليش تجازيني بعذاب وعنا
كرهت كل زوايا لقيانا اللي أتحفر فيها صدق أشواقي
عقب ما عرف قلبي انها كانت تمثل دور المشتاق
لكن قسم بالله كل دموعي اللي كانت الحبر على أوراقي
لا تخلّي دموعها دم يغطي كل بياض الأوراق
كنت أموت في الثواني عشر مرات من الشوق بيوم فراقي
والحين بعيش لأجل أكتب لحبي لها النهاية والفراق
وهذا لأنــــــــه
طعنتني بكلمة رنت في سمعي رنه
جرحت قلبي وهزت كياني
خلّت القلـــب ونته ونه
يا ليتني مت وأنا في مكاني
قبل لا أسمع هاذيك الطعنة
لا يا ربي
مو بهذه اللي أنا حبيتها
مو بهذه اللي بعمري كله فديتها
مو بهذه اللي على عرش قلبي حطيتها
مو بهذه اللي في أحضاني ضميتها
وبأنفاس شوقي غطيتها
فوضت الأمر كله لربي
دام القلب من غدر الأحباب بدا ينوح
والشوك من كل جهة بارزٍ في دربي
في كل خطوة القدم مجروح والقلب مذبوح
باكر بألقى اللي يسكن قلبي
وأفديه روحي وروح الروح
مواقع النشر (المفضلة)