قصيدة تمنيت لو كانت لي
راسك علامك رافعه يـوم أحاكيـك
الظاهر إني فـوق حجمـك عطيتـك
لحظه نبي نرجـع دقيقـه لماضيـك
بذكـرك فـي أي حـالـه لقيـتـك
كـان الضيـاع ودمعتيـن تخاويـك
منهار وفي عـز انهيـارك خذيتـك
وأرخصت عمري لجل أحبك وأداريك
هدمت قصـر الـذل فيـك وبنيتـك
كـان الغـلا شمعـه تنـور لياليـك
لو أضلمت دنياك جيـت وحتويتـك
ياللأسف كنت أمدحك وأفتخـر فيـك
رفعت من شانـك وعليـت صيتـك
كنت أنت عندي غير ماأقدر أخليـك
أموت وأحيا ان قلـت سـم وفديتـك
واليوم أشوفك خنت حتـى مباديـك
صغرت في عيني وأنا اللي هويتـك
الضيـف لـو انـه عـدو معاديـك
غصب عليك تقـدره وسـط بيتـك
ياصاحبي بتمـوت مانـي براجيـك
واشره علي ان كان حتـى طريتـك
لاصار ذل النفس في قلـب يغليـك
يلعنـك ياقلـب عشقـك وشريتـك
اضحك حبيبـي دام وقتـك مسليـك
باكر تمـوت مـن القهـر لانسيتـك
رد مع اقتباس
مواقع النشر (المفضلة)