اخوانى اقدم لكم هذه القصيده
اتمنى ان تنال رضاكم
أمّا اكون .....او لا اكون !!!!
ما دام احبابي ورق ذابل ..وانا ظروفي خريف
ماهى غريبه ياعيوني .. لو بدوا يتساقطون
وش ذنبهم لاصار حال العُود من داخل خفيف
وهذا الشتاء القاسي بطبعه جاي وش له يقعدون؟
تبقى غصن عريان شوق وحب واشجان وعفيف
شفّ ياغصن ..هذا أنت وحدك مامعك .. حتى غصون !
مشكلتك احلامك شريفه فى زمن ماهو شريف
ومشكلتك انّــك بالثمر ..تعطي وغيرك يحذفون ..
ومشكلتك انّك ماتعرف ان الوفاء شايب كفيف !
وش له .. يمدّ ايديه .. ما د امه يعيش بلاعيون ؟
وغلطتك يوم انك.. تحسب الفرق بارقامك..طفيف
وشوفَة عيونك ها السنه.. فيها الثواني يفرقون !!
ومادمت بتراعي ضميرك موقفك دايم ضَعيف
وتبقى محطه عابره.. وعلى حسابك يصعدون
ومادام من حولك بشر تشقى على كسرة رغيف
وبشر بانواع الفواكه .. للحسن يتسابقون
ياحلام ماحولك وطن ..حطّي خيامك فالرصيف
وعيشي عليه وردّدي امّا أكون.. او لاأكون !!
واطوي فصولك يا سنه من الخريف الى الخريف
الوان وشوية مظاهر .. والمظاهر يخدعون
وسلامـــــــــــــــــــــــــــتكم
طلال العتيبي
|
مواقع النشر (المفضلة)