ياضيقة النفس يكفي لاتبكيني
(( ضـــيـــقـــة الـــنــــفــــس ))
[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ياضيقـة النفـس يكفـي لاتبكيـنـي = روفي بحال المعنا وارحمـي حالـي
وش لك بصاف الدموع تهل من عيني = حتـى تخليـن دمـع العيـن همالـي
انخاك في واجـب الاجـواد تكفينـي = تكفيـن مالـك بتعذيبـي وغربالـي
كفي عن الهاجس العاشـق وخلينـي = ادلٌه النفس بأسـم الصاحـب الغالـي
اللي غرامه عن الخفـرات يكفينـي = ما اختار قلبي سواه ولا هـوى بالـي
غضً غضيضً عليه القلب مشقينـي = اسرف بحالي وحط القلـب مدهالـي
إلى همس لي وهـو قصـده يناجينـي = يقـول لاتستمـع لاقـوال عـذالـي
قلت المحبـه تغـذت مـن شرايينـي = ونبتت بقلـبٍ عليـه الوقـت ميالـي
يازين ما اقوى على فرقـا المحبينـي = ولاني بمن يستمـع للقيـل والقالـي
عهد المحبـه عقدتـه بينـك وبينـي = لا والذي فضٌلك ماغيرك اطـرا لـي
وياضيقـة النفـس مافينـي مكفينـي = كفـٌي وخـل المعنـا دالـه سالـي[/poem]
ولكم تحياتي
رد مع اقتباس
المشاركة الأصلية كتبت بواسطة فهد المطيري
مواقع النشر (المفضلة)