بسم الله الرحمن الرحيم
اتمنى ان تحوز على رضاكم
<<<<<<<<<<<<<<<<<<<<<<<<<<<<<<<<<<<<<<
الخاطر اللي دقني بألـف هوجـاس
مايدري انه يابشـر لاعنـي لـوع
مايدري ان الروح ضاقت بالانفـاس
ومايدري انه داخل القلـب مطبـوع
اذا نظرني ينكسـر بايـدي الكـاس
وضيـع بعيـونٍ للاشـواق ينبـوع
له عين كن الله خلقها مـن المـاس
تذبحني ذبـح اللـي تولـع بدلـوع
كنت احسبه وافي غلى كله احسـاس
واثر الغلى من دنيته صار منـزوع
والله لـو شافـوه سكـان تكسـاس؟؟
كان عرفو ليه الغطاء شي مشـروع؟؟
شعر الغلى قلته على بيض قرطـاس
اولها للجمهـور والباقـي ممنـوع
مايشوفها غيرك لـو سلطـو واس
لو حاولو بي ناس رجواهـم دمـوع
هجرك الم والعيـن ماذاقـت نعـاس
والقلب ضايع بين ضيقات وضلـوع
لابـاس ياقلـب الغرابيـل لابـاس
لاباس اوسع خاطرك واضوي شموع
غدر الزمن سوابك سوات جسـاس
خلاك عايش بين ولهـن ومفجـوع
صار الوفى في دنيتك كيس ينـداس
ماعاد لـه قيمـه والكـاش مدفـوع
الحر حـر بدنيتـه يرفـع الـراس
ونظم القوافي عند الاجيال مسمـوع
يكفيني انـي بالمواجيـب قرنـاس
ويكفيني اني للوفاء صرت موضوع
الموت مايرحم عزيزيـن الاجنـاس
والموت صار اقرب من كفوفي للكوع
وياالخاطر اللي دقني بألف هوجـاس
وش تنتظر فيني ونا اليوم مخـدوع
وسلامتكم
مواقع النشر (المفضلة)