يقولون العرب صدر الشمالي ما يضيق بساع
ابيات اعجبتني
اتمنى تعجبكم
يقولون العرب صـــــــــدر الشمالي .. مايضيق بساع
وانا اقول الصدور اليوم .. ماعادت شمــــــــــــاليه
****************
بدت في داخلي ضيقه عجزت القالها مطــــــــــــلاع
تغيب . وترجع .. وترجع تغيب ... ومالــــها نيه
*******************
عمتني كلمة ٍ جتني . وضقت .. وضاق صـــــدر القاع
الا يالله لاتجزى غشيم ٍ .. قالــــــها فيـــــــــّــه
***************
لهو صفاع .. ياربي .. ولاهو للعرب نفـــــــــــاع
بلاني وابتلى حاله ... وبعض الناس مــــبليــه
***************
نهيته قبل هالمره .. يخلي سيرتي .. مـــــاطاع
الا يالعنبو جــــــــــد القصيد .. ولعنبو بيه
******************
ضعيف النفس ( نسونجي ) يشوف بعينه الاطــــباع
يحسبني مثل ربــعه .... يسوق بضاعته لــــــيه
******************
انا اشري .. لابغيت اشري .. ولاني مساوم البياع
الى من قاللي ميـــــــــه .. عطيته فوقها ميه
*****************
انا اكتب .. لجل من يقرا .. ولا ارجي من يقول ابداع
وابد لاتحسبن مثلك يشكلي أهمـــــــــــــــــيه
*****************
ترى ياهيه .. لامني نويتك .. بس اطــــق اصـباع
يجيني الف شيطان ... ووراهم الف جنـــــــــيــه
********************
أجرك من طرف حرفك .. وارد الصــــــــاع مية صاع
جنون القاف ... ارقصها ... على راسك .. هجائيه
******************
يويلك لو توليتك .. وربي .. مالك الشـــــــفاع
يجيك من القصيد .. احسب ...... 300 ،،، 300
****************
ولكن .. خلك بحالك .. مادام ان الصدور وســـاع
ترى للحـــــــــــــين ماضاقت ولسعها .. شمـــاليه
للشاعر المبدع : خلف مشعان العنزي
تحياتي ملاك الشمري
رد مع اقتباس
المشاركة الأصلية كتبت بواسطة ملاك الشمري
مواقع النشر (المفضلة)