بين الـــــــــوـورقــــ
[align=center]
قصيده للامير الشاعر//بدر بن عبدالمحسن
من أختياري أتمنا تعجبكم،،،
بين القلم وأصابعـي والـورق شـوق
عشرين حولٍ .. من كتبـت القصايـد
من يوم بان القلب .. واخفيت بالمـوق
دمع .. وغدالـي بالمحبـه .. وعايـد
كتبت ما كني علـى الشعـر مسبـوق
وقريت ماكـن افـقصيـدي .. جدايـد
ونزفت لين اتعبت لا حصـل اعـروق
وسهرت لين امسـت نجومـي قلايـد
وصرت الليالي بين عاشـق ومعشـوق
وصرت الوصل مابين حاضـر وبايـد
أنا النخيل وشعـري اظـلال وعـذوق
وانا السحاب اللي علـى النـاس جايـد
وفـليلةِ حسيت مـن جرحـي اعقـوق
وقف النزيف ومـا بـذي لـه عوايـد
صار الورق مابيـن مهمـل ومشقـوق
وحار القلم مـا بيـن ناقـص و زايـد
مـن الشعـر مليـت ياحـادي النـوق
و من الجروح اللي .. تمـل الضمايـد
و من الحروف ونقصها مع هل السوق
وكذب الحسود .. وهم راعـي المكايـد
ومجاد لي في كـل سـاذج ومطـروق
وخوفي علـى غـر المعانـي الفرايـد
عشر السنين وعشر .. والجوف محروق
ما غير أشـب أطـراف ليلـي وقايـد
مانيب ادور من ورى نزفـي احقـوق
و لا ابـي مـن سهـر عينـي فوايـد
لو ما بقالي في المـلا غيـر مخلـوق
لا من ذكر شعري .. جفتـه الوسايـد
كني بجبين الشمس .. والليل مفـروق
وكني بدمـعٍ .. فـوق خـده نضايـد
افداه عمرى .. ماشكى صاحبـه عـوق
لاشك ما في النفـس لـو قيـل كايـد
وسلامتكم
ألأعماق[/align]
رد مع اقتباس
مواقع النشر (المفضلة)