[align=center]جددت عهدي بالوفا لاجل اخونــك
واشفي غليلي عن قسا ضيم الايام

لازم اجدد كل جرح بطعونــك
واذكرك باللي مضالي من اعوام

لازم اشوف الدمع يغسل عيونــك
حتى تحس احساس عاشق ومنظــام

واتركك حاير تحترق في ضنونك
بين التجافي والوصل تبني احلام

ماقلت لك اقدر اعيش انا بدونك
وان الوفا ما هو تخاريف واوهام

وش فيك ذابل منخطف ليه لونك؟
تضحك قبل مني اذا جيت بهيام

جرب طعم مر السهر في جفونك
جرب تبدل لذة النوم بآلام

خل القساوه والغدر ينفعونك
وانا بفعلي لو قسيت فيك ما انلام

لاخنت قلب بالمحبه يصونــك
قل لي دخيلك كيف يهنا لك تنام


وسلامتكم ,,,,[/align]