محاوره للملك فيصل _ رحمه الله _ رائــــــــعه ,

**00المجروحه00** · 27-12-2005, 05:43 PM

قليل ربما يعرف أن الملك فيصل رحمه الله من الشعراء المجيدين للشعر .. وسبب عدم

انتشار شعره .. هو كراهيته لذلك .. اي انه كان رحمه الله يكره أن يعد من الشعراء .. او

يقال عنه شاعر !! .. وهو يرى رحمه الله انه ليس من المناسب في تلك الظروف التي تمر

بها الامة الاسلامية في عهدة ان يعرف عنه انه يقول الشعر .. او ان له شعر وقد اوصى

ابناءه بعدم اظهار شعره .. ونشره بين الناس .. وأذكر جيدا أن صاحب السمو الملكي

الامير خالد الفيصل كان يحدث بأن والده طلب منه عدم اظهار شعره .. ووصاهم هو

واخوانه على ذلك .. وما يزالون .. محترمين رغبة الملك فيصل في هذا الصدد .. ولذلك لم

يطبعوا له اي شي من اشعاره .. بل اذكر ايضا ان الامير خالد الفيصل قد طُلب منه ذات

مرة ان يقول شيئ من شعر والدة الملك فيصل .. فامتنع .. وكان ذلك امام حشد من

الناس .. في محاضرة عن حياة الملك فيصل رحمه الله .. القاها منذ سنين وبالمناسبة ..

في تلك المحاضرة .. سئل الامير خالد الفيصل .. عن الملك فيصل كطفل !!! اي عن طفولة

الملك فيصل .. فأجاب اجابة ما زلت معجباً بها .. فقال: لم اتصور الملك فيصل طفلا ..

يوما من الايام . !!!!! وكيف يكون طفلا .. وقد ولي الامارة .. وقاد معارك ... وهو في سن

الثانية عشرة...

وانا الان اود ان انشر قصيدة للملك فيصل رحمه الله .. وهي قصيدة ربما يعرفها

البعض .. وربما عُرف منها بيت .. واصبح هو مشهورا فقط دون غيره من القصيدة وهو

قوله:

ترى بعض العرب عمله بروحه مثل عمل سراج = يضوي للعرب والنار في قلب المسيكيني

ومناسبة القصيدة التي سأذكرها بعد قليل هي انه لما كان أميرا للمنطقة الغربية الحجاز

في الستينيات .. وكان وقتها شابا .. وكان يحب مداعبة بعض رجالة من الشعراء .. ومن

تلك المداعبات .. تلك التي حصلت مع الشاعر عبد الله بن لويحان الباهلي .. وكان يقول

فيها رحمه الله :

يا من لقلبٍ كل ما جا الليل جاه خلاج = يلوج ويجتلد بالصدر والعربان ممسيني

انا متحيرٍ ما ادري عن المدخال والمخراج = الا واعمس رايي ما لقيت اللي يقديني

الا يا مجيب دعوة من تصافق قوقه الامواج = أنا بحماك يا وال الخلايق لا تخليني

ألا يا وجْد روحي وجد من خلّوه بالمسهاج = كسير الساق بنحور المعادين المغلّيني

الى من دك هاجوسي ولو اني على ديباج = ولو جَنّي جميع البيض غيره ما تسليني

الا واهَني مخلوقٍ يفرّج ضيقة الادلاج = الى منه دخل بالسوق غادٍ له مياديني

ترى بعض العرب عمْلَه بروحه مثل عمل سراج = يضوي للعرب والنار في قلب المسيكيني

فرد عليه الشاعر عبد الله بن للويحان فقال :

الا يا مسندي دنياك ما تحتاج ما تحتاج = ترى اللي سالمٍ منها تعاقِب فيه رمحيني

تصبّر والفرج يا مسندي من والي الافراج = أكودك عقب صبرٍ تستعيد العشر عشريني

ورا ما تعتبر باللي يضدنّه ظلاف العاج = يورّد حمله الجاير ويصبح خاطره زيني

مجلة عربيات ..

تحياتي للجميع ,,

منقوول أكيد :23ar:

**00المجروحه00** · 27-12-2005, 05:45 PM

8
8
8

المحـــــاوره
"> اكثر محاورات الملك فيصل رحمه الله كانت مع الشاعر الكبير عبدالله بن عبدالرحمن العنقري المعروف بـ ( لويحان ) لانه كان خوي وملازم له رحم الله الجميع

وجرى بينهم اكثر من محاورة انقل لكم منها :
قال الملك فيصل :

خابرك تذكر بساتينٍ ثمرها الورد والهيل*****هو حاضرٍ نفعها والا متى حتنه يصيري

بالحيل بالحيل يالويحان انا مشتاق بالحيل*****ليتك تشاور لنا الوقيّف كوده يستخيري

قال لويحان :

من حال هاك البساتين النظيفة علّها السيل*****يقودني صوب حلو اثمارها خيط الحريري

وقيّفها يا وسيع المعرفه ما يفهم القيل*****تثور بندق قليل الفود في وسط الجفيري

قال الملك فيصل :

انا احسب انك على اللزمات بالقالات حلحيل*****تسعى لنا في طريق البيع والناقد بصيري

حنا الى من شرينا يحضرونك حزت الكيل*****وتشوف بالعين يا مشكاي ما قلبك غريري

قال لويحان :

والله ما في يدي قوة ولا حيلة ولا حيل*****حيث ان حبي الى شافوك يمضونه شعيري

من طرد الصيد يذبح بالجفار وبالمغازيل*****واللي يجر السرايا للعدى لازم يغيري

قال الملك فيصل :

الى غزينا عليهم فانت قيدوم الدواليل*****صيّور ما نلطم الخصمين بالحد الشطيري

ويش انت خابر يوم انك جبت لي بعض المناديل*****تقول هذا مليته من زهر بستان غيري

قال لويحان :

والله فلا ابغى فزوع ولا جرود ولا محاويل*****الناس في حكم رجالٍ على العالم خطيري

ما ظن به كهربه تجذب كما يجذب التيل*****والا فلا صار شي اولا بعد قر القريري

قال الملك فيصل :

لياس تيّس ولو صارت عواكيس وغرابيل*****صيّور ما يحمد المصباح سرايٍ يسيري

الناس وقت الصرام كرام في كل المحاصيل*****واليوم نبغى كرمكم يوم جا وقت العصيري

قال لويحان :

تراي اميّز المخراج قدام المداخيل*****بحال ابا اخشرك وبحال ترى منتب خشيري

خادم وحامل سلاحي مالنا بالعدل والميل*****ولا يخاشر سلاطين الملوك الا الوزيري

ومن المحاورات اللي جرت بينهما ، قال لويحان :

هاضني براق ليليٍ تسارا*****لاح برقه واعترض في كل ديره

يا طويل العمر كنا بالنهارا*****الله العم بالبيان وبالسريره

فقال الملك فيصل :

شوفكم بالعين ولا بالخبارا*****كود توهف لي على حروة غديره

خلنا باللوح بالمارد خشارا*****والخشير ملّزمٍ يخشر خشيره

فقال لويحان :

يا اشقر الجنحان يا طير الحبارا*****انت تدري بالمضره والبريره

اتعذر منك زينات العذارا*****اسمحوا لي بالكبيره والصغيره

فقال الملك فيصل :

والله ان ودي مع الدرب انتبارا*****والسبور تروح قدام المغيره

وش علامك تنحرف عني يسارا*****ما تبي مجراي والشسطه قصيره

فغيّر الملك فيصل الطاروق بطاروق فريد وغريب من نوعه :

خفا ما على مثل خفا*****ولو كان بتخفونها

اعرف القصير امن الطويل*****عسى القصر يكهل من بناه

وفا اللوح ولا ما وفا*****لزا شدها يمتونها

انا ما ادعيك بلا دليل*****ولا اضرب طواريق الفلاه

فقال لويحان :

طفا سوها عني طفا*****مقالات لا تحيونها

تسامح عسى عمرك طويل*****ومن جاز له درب مشاه

صفا الوقت ولا ما صفا*****صعيبات واقصر دونها

سبب حملهم حملٍ ثقيل*****ولا كل من شاله قواه

وقال لويحان في محاورة ثانيه :

الليله الليله الليله نبا الطاروق طرقٍ غريب*****مثل الدراهم الى قاموا صيارفها يعدونها

والله ما ادري يطيب لسيدي والا ما يطيب*****ان كان ما ناسبت لك يا سنادي جزت من دونها

فقال الملك فيصل :

الليله الليله الليله شواريبٍ تحد الشريب*****والاجنبيه الى وردت على المارد يحدونها

ياذيب ياذيب ياللي جر صوته في علو الشذيب*****ذكرت عيني وهلت واهملت من عقب مظنونها

قال لويحان :

عندي خبر بك جروحٍ ما يسر بها علاج الطبيب*****مير انحروا روضة التنهات ساكنها يداوونها

من قال ابا اصبر وابا اكنا الجرح لين انه يجيه العزيب*****يصير بين الرجا والياس باعوها ويشرونها

فقال الملك فيصل :

ما نيب زملٍ عليها من بعيد ولا قريبٍ طنيب*****يا عسرها وانت تحسبها ولو صديت يا هونها

تراي لو صرت عنه ابعيد مرجاعي عليهم قريب*****والديره اللي نحل ابها عدانا ما يحلونها

ومن غزليات الملك فيصل رحمه الله :

فرقى جرت لي ما جرت للمحبين*****فرقى كما روحٍ تفارق جسدها

همٍ وغم وحزن وصدود غالين*****وشطون حارت فكرتي في عددها

كني بيوم الحشر عند الموازين*****في يوم تلهى المرضعه عن ولدها

روحٍ تعذب في الهوى بين نارين*****عقب العذاب ارجي من الله مددها

عساه لي تكفير ما شافت العين*****عساه امانٍ عن عماها رمدها

لا جيت ابا اصبر عنك يا كامل الزين*****دار العزا مني تجاذب عمدها

ما كل حبٍ يجعل القلب سكان*****الى خذا له مهلة ايام راحي

يروح كنه ما تصور ولا كان*****يمحاه من ليعات الايام ماحي

والله لو ان الحب يشرى بالاثمان*****لا اشريه من خبلٍ واحطه بصاحي

يا عشيري لفاني منك ما حس بالي*****شايفٍ الجفا من عقب هاك اللباقه

صعب رد الجزا في وقتنا يا حلالي*****كيف تقدر فراق اللي عناكم افراقه

كان قلبك تنكّر والهوى عنه زالي*****او صفّها لك من العربان غيري عشاقه

انت تلقى وانا القى من يمضّي الليالي*****كلها عبر دنيا مابها راس طاقه

سالمٍ راس مالك لك وانا راس مالي*****سالمٍ لي وبعض الزود مرٍ مذاقه

من جفاني جفيته يا حسين الدلالي*****فان ما يتبع المقفين كود العلاقه

</font></div>

------------------
مسكت القلم بأكتب قصيده ولكن ماش^^^^تقول إن تخطيط القلم نابتٍ له ريش

وفتشت في الأفكار وأعصر صميم الجاش^^^^وجاوبني الهاجوس ما ينفعك تفتيش

وقلت الله الناصر يرد البهم لا انحاش^^^^وقفّلت فكري لين يسلم من التشويش

**خــ الشوق ــالد** · 27-12-2005, 06:06 PM

......المجروحــــه.........

يعطيك الف الف الف عافيـــه على هذا الابدآع والنقل

فرقى جرت لي ما جرت للمحبين*****فرقى كما روحٍ تفارق جسدها

همٍ وغم وحزن وصدود غالين*****وشطون حارت فكرتي في عددها

كني بيوم الحشر عند الموازين*****في يوم تلهى المرضعه عن ولدها

الله الله الله على الملك فيصل هذا فقط الي نشر عآد كيف

الي رفض نشره والله قمـه الله يرحمـــه

رآئعـــه وموضوع متميــز واعجبنــي جدآ جدآ جدآ

تحيآآآتي لك مجروحـــــه

خــآلــد الــشــوق