الملاااااااااااااام ؟؟
[align=center]هناك من لآم قلمي ومشاعري
حين تناثرت فوق الورق على كتابتي لشعر الغزل
لا اعلم السبب وراء ذلك لكن كان مني هذا الرد
اتمنى ان تقبلوها من قلمي المتواضع [/align]
[poem=font="Simplified Arabic,6,black,normal,normal" bkcolor="transparent" bkimage="" border="none,4,black" type=2 line=0 align=center use=ex num="0,black"]
يالايمي والهوى دربي وانـا ادلّـه=
ارجوك تبعد ترى منته على بالـي
بعض الحكي يطردك حتى من الملّه=
وبعض الحكي يرفعك من عالي لعالي
أوزن كلامك ترى هرجتْـك مختلّـه=
شعر الغزل ماهو بشعري انا لحالي
ليه العتب لايمي مابيـن خلـق الله؟=
ليته يجيك العناء مثل الّذي جا لـي
إيه اشتكي للقوافي والهـوى عِلّـه=
ولاني باحسّب حساب القيل والقالي
حبٍ اسرنـي ملـك خفّاقـي وتلّـه=
وشلون مانكتبه باشعار وامثالـي!!
دامك تشوف الهوى يالايمـي زلّـه=
وش فيك تمشي على دربه وتِختالي؟
حبّي عفيفٍ سكن بالجوف واحتلّـه=
مايلتفت للحسـد وهْـروج عِذّالـي [/poem]
[align=center]ملثـــــــــــــمـــــه[/align]
رد مع اقتباس
المشاركة الأصلية كتبت بواسطة ملثمه
مواقع النشر (المفضلة)