@ ضيقـــــــــــــات؟@

[وعد]

[glint] السلام عليكم ورحمة الله وبركاته
هذهي ابيات اعجبتني وحبيت انقلها لكم الله يفرج عنى وعنكم كل ضيقه
والانسان لا بد ان تمر عليه ضيقات و
هذه الابيات البسيطه وهي مجرد
احاسيس وشعور ترجمها القلب الى حروف ..
ضيقات ...!!! اتركم معاها ....وامل ان تنال
جزء بسيط من رضاكم واعجابكم بأذن الله
مهموم .. ذاك إلي غدا فيه ضيقـــــــــــــه!!

وش عاد من قلبه غدا فيه ضيقـــــــــــــات؟

همٍ يروح .. ولا انتهى في طريقــــــــــــه

غيره يجيني يدخل القلب بسكــــــــــــــات

عزّاه .. يا ذيك الأماني غـريقــــــــــــــــه

عزّاه .. يا عمرٍ قضى في متاهــــــــــــات

مانيب أنا أول من همومه تعيقـــــــــــــه

أدري .. ولا أول من سهرها ولا بــــــــات

بس هي كذا .. تشعل بصدرك حريقـــــــه

من زود همّـك .. تكتب حروف وأبيـــــــات

في وسـط جوفك خـافيٍ ما تطيقـــــــــــه

مافات حيٍّ كنّـه اليوم ما مـــــــــــــــــات

تـِــذَكر زمانٍ به مشاعر رقـيقـــــــــــــه

تـِــذَكر فراقٍ ساقه الوقت دمـعــــــــــات

تـِــذَكر رفيقٍ ما وفا مـع رفـيقــــــــــــه

شخصٍ يبيعك لا ترجيت فزعـــــــــــــات

تـِــذَكر مشاعر للمـحاجر عشـيقــــــــــه

تعشق عذابك لا غدا فيك لوعــــــــــــات

تـِــذَكر غريبٍ مبتعد نشـف ريـقــــــــــه

يشتاق لا هبـّـت بذكراه نسمـــــــــــــات

كلٍ وهمـّـه ,, واختصـرت الحقيقــــــــه

ولاّ ترى فيني على الوقت شرهـــــــات

ضيقه تروح .. وتدخل القلب ضـيقـــــــه

وياعزّتي للي قضى العمر .. ضيقـــــات[/glint]

[al-shmaly]

اختي

وعد

تسلمين ويسلم لنا نقلك

والله يبعد عنا وعنك كل ضيقه يارب

والله يسعدك

دمتي

بود

[ذرب المعاني]

هلاااا فيكي اختي وعد

قصيده رائعه سلمت يداكي

وننتظر جديدك

[وعد]

[glint]اخي شمالي هلا والله وغلا فيك
اخي تسلم
ولا هنت على المرور الكريم والرائع
وروعة القصيد هو ردك الي
يضيف لكل مشاركه شكل ولون اروع واجمل..
اشكرك من صادق احساسي وصافي ودي على مرورك الرائع
والله يبعد عنا كل ضيقه وعن جميع امه الاسلام يارب
وعساك على القوه
تقبل تحياتي لك
اختك وعد الليل[/glint]

[وعد]

[glint]اخي ابن جهيران هلا والله وغلا فيك
تسلم اخي ولا هنت على
المرور الكريم والرائع واللي زاد هالحروف
البسيطه والصفحه المتواضعه الحلاوه والجمال سلمت ولا ندمت يارب
والله لا يحرمني من هالمرور ولا من هالقلم..ولا راعيه

عساك على القوة يارب



تحياتي لك
اختك وعد الليل[/glint]