اشلون أسامحك ؟!
[align=center]
أسامحك ؟
اشلون أسامحك ؟
وأنت ياللي عن حبي وحناني تخليت
وبعت اللي مضى من حب وتناسيت
وجاي الحين ندمان وتقول لي ياليت
وانت أجرمت فيني بهجرك وتماديت
اشلون أسامحك وأنسى اللي سويت
مع اني وانت شاهد ياما وياما عطيت
وانت عارف أنا عشانك ليش ضحيت
اشلون أسامحك ؟
وأنت رحلت من غير ماتقول لي سلام !!
والحين بكل سهوله تبيني أسامحك .. ياسلام !
اشلون أسامحك ؟
وأنا ذقت المر في منامي بسبة غيابك
وذابت جفوني من كثر البكا عليك
ومرت علي أيام كنت أنا أحتاجك
ورحت وسألت عنك وعن حالك
وترجيتك وللأسف ولا على بالك
اشلون أسامحك ؟
وأنت خيبت ظني بعد ماوثقت فيك
وتركت فيني جرح عميق الله يكافيك
والحين تبيني أسامحك ؟ روح الله يخليك
اشلون أسامحك ؟
وأنت وعدتني ماتتخلى عني
وحلفت بالله ماتنسى عشرتي
وعاهدتني بأيمان انك تبقى معي
اشلون أسامحك ؟ قلي اشلون ؟
تجاهلت معاناة الجروح ووثقت فكلامك كل هذا من غلاك
وقلت هذا حبيبي مايسويها ورفعت مقدارك فوق مستواك
وأعلنت للناس قصة غرامي وقلت لهم مايهمني أحد سواك
وياللأسف هجرتني وجرحتني وعيشتني أيام وليالي تايه بلاك
بس الحين اشلون أسامحك ؟ ومن يعوض لي دموعي بفرقاك
لكن شفني أقولها لك اليوم انه ماعندي لك شي غير ذكراك
آآه اشلون أسامحك ؟
آآآه ياقوة قلبك ..
آآآآآه .... آآآآه ... آآآه .. آآه
اشلون أسامحه قولوا لي اشلون ؟
وهو جرحني في الصميم ياناس !
جرحني بلا رقه ولا احساس !
تركني وراح وخلاني ألملم كل الجراح
نساني وباح بأسراري ليته ياناس ماباح
اشلون ياناس أسامحه ؟
وهو هان قلبي واستباحه !
وأنا للحين أداوي جراحه !
اشلون يجبر خاطري بعد ما انكسر ؟
اشلون يطلب حناني بعد ما اندثر ؟
اشلون أسامحه وجرحه بقلبي انحفر ؟
اشلون أسامحه قولوا لي اشلون ؟
وبعد ماجرح قلبي تركني ورحل
تحريته يتصل بس للأسف ما اتصل
آه ياناس وجروحي عيت تنفصل
ما ادري ياناس وايش اللي حصل
اشلون أسامحه تكفون ماعاد أحتمل
اشلون أسامحه قولوا لي اشلون ؟[/align]
[align=center]
مـ ـ ـ ن ـ ـ ق ـ ـ و ـ ـ ل
تحيـــ نظرة ـــــاتي[/align]
رد مع اقتباس
مواقع النشر (المفضلة)