بسم الله
هذي قصيده سمعتها وعجبتني حبيت انقلها لكم
اذا المرجله لبسه شماغ وعقال
قل للعذارى يلبسن عمايم
ماعاد يفرق زول حرمه ورجال
دام الفعايل تشبه البعض دايم
المرجله ماهيب كلمه تنقال
وتروح ماراحت هبوب النسايم
والا خشونه صوت او رفع الاثقال
او رزه صدور وفعل الزلايم
ولا هي بعد مفتاح موتر وجوال
والا ردى لسانن حديثه شتايم
المرجله شيمه عن القليل والقال
رفيع النفس حر با لجو حايم
المرجله عقل وزن وزنه جبال
ودون العقل وش فرقنا والبهايم
المرجله يا خوي هي طوله البال
هي العزم هي الصبر فا لضلايم
ومن لا عرف ربه في طيب الحال
لا بد وقت الضيق بالهم هايم
حتى صلاتك مع جماعات ورجال
في خيرها ياخوي نعم الغنايم
ولامن نصف اليلك قم صفي البال
ياعظم أجرك بين ساجد وقايم
ولا من رفع ربي له كل الاعمال
حسن الذكر لا قالو فلان صايم
واخذرتبيع النفس في دب الانذال
وتتبع خوي ابليس راع نايم
النفس لك خيل اذا كنت خيال
ومن لا قوى نفسه قوته الهزايم
ولا صرت ماتدري لو يش أنت رجال
والله خساره فيك ذبح التمايم
مع تحيات
آهات الحرمان
مواقع النشر (المفضلة)