الأنثـى قصـيدة.. الا قصــايـــد ...
.................................................. .........................
$222
"" قصــايــــد اعجبني وحبيت انقلهن واشـارككم فيهــــــا ""
قالوا الأنثى ضعيفه , قلت كل أنثـى قويـه
وعجزوا لا يفهموني وأنفتح بـاب الجـدال
قلت يا ناس أفهموني وأسمعوا منـي شويـه
مانطقـت إلا بحـق وكلـمـةٍ لازم تـقـال
والحقيقة ما نطق فيها سـوى نفـوسٍ أبيـه
ما يغـط الحـق فيهـا لا ولا فيهـا مجـال
أبك أنا مع حر مابي جيت أجـادل بالرويـه
وألا أنا قلبي تفطر من يميـن ومـن شمـال
وإن سألتوني بقول : أنتم تولـوا هالقضيـه
لا تلوموني بقولي واسألو قلـوب الرجـال
وإن لقيتوا قلب واحد ما بجوفه نـار حيـه
من سببهن قولوا إني مخطي بضرب المثال
والله إن أقوى رجل لو يلمح عيـون بدويـه
غير يهوي في مكانه فـدوة لـذاك الجمـال
وإن تمادى بالنظـر قالـت: تقبـل هالهديـه
نظرةٍ منها .. بعدها عزتـي لأبـن الحـلال
نظـرةٍ لـو وجهتهـا يـم ضلعـان بطميـه
كان قال أهل طميـه كـان بالديـره جبـال
( عينها اليمنى بها نار وبالأخـرى جاذبيـه
ذي تجيبك يم ذيك وذيك فيهـا الأشتعـال )
ويل حالك يالرجل خل الفخـر والعنجهيـه
سحرهن يسلب عقولٍ واصله حـد الكمـال
سحرهن يذبح ولكن: ...ذبحةٍ من دون ديـه
والشروط:... أنك تموت ولا تطالبهن بمـال
وإن بغيت الشور مني قلت لك: خذ هالوصيه
-ولا تظن أنك لحالك كلنا بنفـس المئـال-
( مالك إلا ترسل ألحانك بعـزف الهاشميـه
وأنتبه لازم تكون ألحانك ألحـانٍ طـوال )
أو تمادى بالجهل مثل الـذي روح ضحيـه
وش جنى مجنون ليلى من هواه إلا الهبـال
ذي خلاصة ما جنيته يوم أطالع فـي يديـه
ضاعت الحيله ولا قد فادنـي شـد الحبـال
جيت أسولف للقصيد إن كان باقي به حميـه
وأدري إنه هو بعد يرغـب بخوتهـن منـال
وأفزعي لي يوم جيتك يالحروف الأبجديـه
وأكتبي بآخر سطر زبـدة كلامـي بأعتـدال
( إيه كل أنثى قويه ... ما عليه مـا عليـه
إيه كل أنثى قويه ... إيه لو فيهـا جـدال )
.
.
.
.
.
.
.=============== ======================
"" قصـيـــــــدة حـب ""
عملت (إ)بها قصيدة حب ورحت أسابق ظلالي
بوريها حسن شعري ودقت قـافي الموزون
بمطلعها أحبك ثم أحبك يا بعد حالي
وبآخرها أحبك ثم أحبك والبشر يدرون
على شاني أنا ما أرضى أعيش بحبك لحالي
نطقت بحبك لجمهور دايم للشعر يقرون
أنـا.. شاعر وللشاعر لسـانٍ دايم يلالي
وترى الشاعر لسانه دايما ما يحفظ المكنون
دعيت أبياتي لمدحك وجـات تقبل عقـالي
وسهرت الليل أرتبها على خاطر هدب وعيون
أبنسج لك قصيدة حب والغالي له الغالي
وعلى شانك بهاذي لو يقولون البشر مجنون
أبوقف بالمحافل وأصرخ بصوتي وموالي
على شان الحضور ليا نطقت بكلمتي يقفون
أبصعد في كلامي لك إلين المرقب العالي
وهو به عاليٍ وانتي أحد أجزاء هذا الكون؟؟؟
أبحكي عنك لين الناس تعرف ويش يجرالي
وإذا شافو خلل قالو غدى من حبها مفتون
أنا يا بنت أحبـك وأنتي أول من سكن بـالي
جبرني حبك أخضع له ولا أدري هالهوى وشلون؟
هويتك من صغر سني وكنت أشكي للأطفالي
وصرت أول بشر يحوي براءه مع هوى مشحون
هويتك كلمةٍ تعني دموع بفيض همـالي
هويتك كلمةٍ تعني جميع أبيات أبن لعبون
هويتك كلمةٍ تعني تجـاره ما بهـا مـالي
قبلت رضاك في همي وسلمت التعب عربون
هويتك كلمةٍ تعني محبه حرهـا صـالي
ودستور الهوى كله بلاوي والعشق ملعون
هويتك كلمةٍ تعني تعالي شوفي أحوالي
لك الله نظرتك هي مطلبي و(إ)هي الدوا والعون
هويتك رغم ما قالو لي بحلي وترحالي
وكنت بهرجهم أزداد في حبي ولا يوعون
لمحت عيونك الحلوين وسط عيون عذالي
تقولي لي بهمس وحزن ذولي وشبهم يحكون
يخصون الردى بأطراف هرجٍ عيب ينقالي
لك الله ويش مطلبهم وهم بالهرج وش يبغون؟
وكنت اساير العذال بالهرجه وانا سالي
واتابع هرجة عيونك واقول الله..((لويوحون))
وأترجم هرجك لشعري وأزيح المر بالحالي
وأقدم لك قصيدة حب تزهالك بطعم ولون
كتبت أبياتي بذهني ورحت أسابق ظلالي
بوريها حسن شعري ودقة قافي الموزون
ويوم ألفيت منزلهـا زفـرت بقلبي الخـالي
وتحايلت الخجل والخوف بسلوبي وقلت بهون
أنـا يـا بنت أحبـك ثم أحبـك يا بعد حـالي
ونظرت (إ)بها وضعت وكنت أنا ضايع بها من دون
وقبل ما أكمل الأبيات قالت لي وش التالي
إذا ناسي أنا أذكرك ..أحبك والبشر يدرون
تعجبت وزفـرت بقوة ونزلت فنجـالي
وقالت لي:على هونك تمالك قلبك المحزون
أبد لا تحسب أن أقوالك بتمشي على أمثالي
تبي تبخسني بحقي (على هامان يا فرعون)
نصيبك بس وزن وقاف وشوية حبر سالي
ولكني أنا وحيك وأنا المعنى وأنا المضمون
تكرم وأحص مثقالك ولا تبخس بمثقالي
ترى ويلٍ لمن لا كالو بميزان يحتالون
ومـال بصفهـا قلبي وقلبي دوم ميـالي
وقال:أسلم بقسمتها نبي نلعب على المضمون
وقلت:أبشر ما دام أنك حظيت بفالك وفالي
كسبنا نظرة منها ونظرتها الدوا والعون
وأنا برضى بقسمتها وبرجع يم فنجالي
(ألا يا نعنبو عشقٍ به العشاق يتساوون)
.
.
.
.
.
.
.
.================ ======================
أجي مِسْرع إلى ذاك المطار ويرتبك نصفي
ونصفي الثاني يتسائل عَن اللِّي صار و أخطائي
تروح شلون عَنْ عيني وتبدِّل قوِّتي بـ ضعفي
ولا بـه شـي يستاهل عشانـه تبدي إيذائي
( مسافر ) دُونْ ما أدري وحِزني داخِلي مخفي
أبيـك الحيـن مـو باكـر تِحلِّقْ فوق أجوائي
مطار القلب يتحرى رجوعِـك غيبتِـك تكفي
أبكتب لِكْ ولا أقــدر على التعبير وإملائي
غيابك مـا رحَم حالـي وحرفي آآآه يا حرفي
تلعثمت , وعجزت آخذ في وقت البُعد إجرائي
أنا كلِّـي عَطَشْ ضامـي أعيش بغيبتِـك حتفي
لأنك ساعـة الضيقـه هواي , وبالعَطَش مائي
أحبك يا [ وَطَنْ ] غالـي عَليْ وحَضْرتِي " منفي
كفايـه لا تِشتِّتْنِي
تعـال ..
وجَمِّـعْ أشيائي !!
وَطَنْ.. شنهو وَِطَنْ...إلاَّ عُيونِكْ في لُغة وصفي
غريبه شلونْ تتركْني .. وإنت بداخلْ ( أحشائي )
( ثلاثْ أيَّــامْ ) تهجرني ولا بيَّنتْ لِكْــ نزفي
ودُواي اللِّـي تِكاثرْتَـه عَلـيْ وصِرتْ لِي دائي
( ثلاثْ أيَّــامْ ) ما نامَت عيوني وما قِدَرتْ أغفي
لي اللـه كِلْ ما حُولي غريبْ وعَالَمِي .. نائي
( ثلاثْ أيَّــامْ )وأنوار المدينه يا الغلا تطفي
وتِعِمْ الظَّلمَه فـي قلب الشوارع وأفقِدْ أضوائي
تِصَدِّق حتَّـى بسماتـي .. أهَلِّـي فِيها وتِقفِّي
تعـال ولَمْلِمْ جُروحـي ورَتِّبْ فُوضَة أجزائي
يجينـي الجَرَحْ مِنْ إيدكْ .. وأصْفِقْ كَفِّي بكفِّي
أعَزْ أحبابي يطعَنِّـي ويداوي الطَّعْنَه أعدائي
( ثلاثْ أيَّــامْ ) تِطْعَنِّي وأنا أشِيلِكْ على كتفي
كأنْهَا طَعنِتِك
" ضِيفٍ
وقلبـي .....
حَاتِمْ الطائي !!
.
.
.
.
.
واتمنى أن يعجبنكـــــــــــــــــم .. im0
وتحيـــــــاتي للجميــــــــع ..
رد مع اقتباس
مواقع النشر (المفضلة)