&& بـــرلـــمــــان الـقــلـــــــب &&

**al-shmaly** · 26-04-2006, 12:42 AM

أناأُطالـب برلمـان القلـب تحـديـد المصـيـر
روحي إجمعي نـوّاب قلبـك ثـم بعديـن اطلبـي
روحي إجمعي نبضك وشريانك ورى الضلع القصير
وقلبك رئيس الجلسه وشوفيه ويـش اللـي يبـي ؟
واتخذوا آراكـم وثـم أعطونـي الـراي الأخيـر
خلاص أنا ما عدت أطيق .. أما بلا .. ولا ارحبي
أنا أبدلي بالشهـاده كيـف مـا صـارت تصيـر
واخلّي الدعوى تصيـر أمـا حبـي .. ولا دبـي
بقول كل اللـي أعرفـه عنـك يـا وجـه العبيـر
وان العطور اصـورّ منّـك يـا غـلاي ومكسبـي
منتي قصيده قلتها أشكـي مـن الوضـع المريـر
ومنتي قصيده قلتهـا مـن شـان أكشّـخ مكتبـي
أنتي قصيده غير .. فعلاً لنّـك أنتـي غيـر غيـر
لاجيـت أبكتبهـا أشـب النـار وآزيـد إحطبـي
ما قالها ذاك الفرزدق .. لا .. ولا مـرّت جريـر
ولا شواعيـر الـثـراث اليعـربـي والأجنـبـي
وما قالها أخطل صغير .. ولو طلع أخطل كبيـر!!
ماهمنـي بالشعـر انـا اتـعـب 1500 صـبـي
أشيل حمل جمـال مانـي بشايـل ٍ حمـل البعيـر
لجل عيـون اللـي لهـا نظـرات تسبينـي سبـي
في هجرها .. أسير حافي من على الرمضا أسيـر
والشمس فوقي .. والعجـاج يحوفنـي زاد تعبـي
وفي وصلها .. كني على أطراف ضفّـات الغديـر
أشرب من الما وارتوي .. وانسى عـذاب معذّبـي
وبغيابها .. كني عصاة شويّـب ٍ مبطـي ضريـر
مغير يكمخ بي من الجدران مـوّت لـي عصبـي
وحظورها.. مثل البشاره من بعـد عـودة أسيـر
بعيون أمـه لا حضنهـا وقـال يالـروح إقربـي
أحلـم بهـا مثـل الغنـى بعيـون رجـال ٍ فقيـر
وأحلم بها حلم العقيم إن شـاف لـه طفـل يحبـي
أنا أبيها لو علـى خبـزه وتفـرش لـي حصيـر
وش ليّه بحمـر النعـم عنـدي هـواي ومشربـي
من فمّها شهـد ٍ مصفّـى والشعـر مثـل الحريـر
جفول محـد ٍ ناشهـا تجفـل مثـل طبـع الظبـي
لا من مشت كل الورود إتموت من حسـن ٍ يُثيـر
إتموت غيره من حدود الشـرق .. ليـن المغربـي
لو تطلب إني آتنازل عن ذكائـي .. قلـت خيـر
أبا آتغابا لجـل خاطرهـا واصيـر أغبـى غبـي
الحب ما يعرف صغير وما عـرف يحشـم كبيـر
متسـاوي ٍ بالحـب قـدر العبـد والحـر الأبـي
والحين كانك ما اقتنعتي .. ما ابـي كـل المصيـر
وإذا اقتنعتي .. أقـدر آقـول ابجـراءه (اطلبـي)

وسلااااااااااااااامتكم

الشاعر :

فواز الزناتي

**روبـruubyــي** · 26-04-2006, 02:17 AM

أشيل حمل جمـال مانـي بشايـل ٍ حمـل البعيـر
لجل عيـون اللـي لهـا نظـرات تسبينـي سبـي

في هجرها .. أسير حافي من على الرمضا أسيـر
والشمس فوقي .. والعجـاج يحوفنـي زاد تعبـي

وفي وصلها .. كني على أطراف ضفّـات الغديـر
أشرب من الما وارتوي .. وانسى عـذاب معذّبـي

شــمــالــي

صح لساان شااعرهاا و تسلم ايد ناقلهااا

لاخلااا ولاعدم