بســـــــــم الله الرحمن الرحيــم
اسعد الله اوقتـكم جميعا
الســـــلام عليكم ورحمة الله وبركاته
هذه نصيحه وعسى ان تحوز علي رضاكم وخاصه للشباب المقبلين علي الزواج
(1)
[poem=font="Simplified Arabic,5,blue,normal,normal" bkcolor="transparent" bkimage="" border="none,5,gray" type=0 line=0 align=center use=ex num="0,black"]
من بغى يقدم خطيب = عليه ماكر الطيب
عسى ظنه مايخيب = عند الطيب يهقاه
من حقك عزز نسبك = من بعيد ومن عربك
وبعض المنظر لايعجبك = ما ودك انك تحظاه
خذ بنت الرجل المخبور = الي مع ربعه مستور
وقت الظيق وقت الشور = يفعل وتوخذ أرياه
ولا تاخذ عرق القطعان = حتى لو كانوا شجعان
انت تبغى لك مزبان = وبيت تعيش بذراه
عرق القطاعه مابر = مابه خير وكله شر
والسابح يدور الدر = بين الامواج وصفاه
والي فيها قول وقيل = بالك تقدم له حليل
حتى لو شكله جميل = لاتلطم ميت طراه
الي في بيت غشيش = تعطي قسط وتعطي كيش
خله مالك بالتفتيش = اتركها تلقى ماواه
تجنب مالك بالشك = والعرق الاول يدرك
لاكن بابه صكه صك = صياد الصيده كلاه
لو تبي تحرص بالعوج = لازم تلقى له منتوج
ما تضبطها مثل الموج = مثل رقاه الحفاه
هذه ما فيها مصلوح = خلها تولي وتروح
دائم بالحاره تسوح = من خلاها بخلاه
شروا هذي قربه عل = لا تجي لك في محل
حط لفرقاها وبذل = خساره مابه غناه
انت يوم انك قدمت = وعلي الزواج صممت
عن بعض العذاراء = شمت = كلن يستخدم ذكاه
تبغى تستقل بيت = وولادن لهم ربيت
لجلهم بعت وشتريت = تبغى ترفهم رهاه
تبغي خدمه في حنان = وانته مبسوط وطربان
ولا نديت وقلت يا فلان = جالك حد سمع نداه
لينك جيت بسن العود = يبذل لك كل المجهود
دائم في جنبك موجود = يا ما تأتيك الوفاه
أما كان انه قطوع = لو كبر مابه منفوع
بس يخطط للمشروع = الوالد كله مشكاه
شكله لو ماهو ابنن لك = ما دام ما يحسن لك
ونته من قبل يدرك = تتعب لجله من غلاه
والي يزرع له بذار = يتحراء طلع الاثمار
يبغى أقبال دون أدبار = والوالد يرتجي أبناه
وهذا يا سامع للقيل = تمعن قبل التحليل
وبعده فصل بتفصيل = وعرف عدله من عوجاه
وختمت القول النفيع = بالهادي راع البديع
صلى الله علي الشفيع = الي تهدي بهداه
والمعذره اذا اني طولت فيها وارجوا السموحه
اللبشه [/poem]
مواقع النشر (المفضلة)