دخل النت كافيه وهو ممتلئ بالحماس وكله ثقة انه سوف يتكلم مع بنت مزة وامورة واكيد مش هتفلت من ايده المرة دي لانها في الحقيقة كل مرة "بتخيش"معاه ويلاقي نفسه في الآخر بيتكلم مع ولد زيه لكن المرة دي الوضع اكيد هيكون مختلف لازم يكلم بنت حلوة يعني لازم يكلم بنت حلوة
عاوز يختار لنفسه " نك نيم " جامد عشان البنات كلها تحبه وتحب تكلمه وقعد يفكر ويفكر لحد ماوصله الاسم " امير الرومانسية " ياعيني وهو اصلا عمره ماسمع عبد الحليم قبل كدة
بدأ يدور وسط الأسماء الكتير في الشات روم.اللي بالمناسبة اسمها للرومانسيين فقط ولقاها مليانة علي عينها بنات -او هو اتخيل كدة - وبقي ياعيني محتار يتكلم مع مين ولا مين ايشي "الجميلة" و"العاشقة للأبد"و "المجروحة" والملتهبة و "الوارمة" و الفتاة اللعوب و "البرنسيسة" و ...و ... و
المهم انه استقر في الآخر علي " اميرة الرومانسية"وبدأ الحوار بينهما كالتالي:- ا
أمير الرومانسية:هاي " اللي هي أهلا" ا
أميرة الرومانسية :هاي "اللي هي اهلا برضه" ا
اللي هي ممكن نتكلم can we chat plz?":أمير الرومانسية
sure :أميرة الرومانسية
أمير الرومانسية : أنا نادر وانتي؟ "وهو في الحقيقة اسمه السيد بس مكسوف"ياعيني
أميرة الرومانسية:أهلا يانادر انا اسمي نها. "وهي في الحقيقة اسمها
زينات"ياعيني برضه
أمير الرومانسية: أهلا يانها بتدرسي؟
أميرة الرومانسية : انا في الــ "اي يو سي" وانت؟" وهي في دبلون!" ا
أمير الرومانسية: أنا في كلية هندسة قسم ميكانيكا انتاج مع ان كل علاقته بالحساب انه كان بيسقط في القبول". ا
أمير الرومانسية: وانتي كام سنة يانها؟
أميرة الرومانسية : 21 وانت؟" وهي داخلة في الـــ33". ا
أمير الرومانسية : 23 سنة"وهو عنده 37 بس لزوم الاتيكيت انه يكون اكبر منها بسنتين". ا
أميرة الرومانسية: وانت ساكن فين يانادر؟
أمير الرومانسية : في المعادي وانتي؟"كداب طبعا لانه ساكن في الطالبية" ا
أميرة الرومانسية : انا ساكنة في مصر الجديدة " وهي مابتبورحش هناك غير في العيد الكبير "الهانم اصلا ساكنة في السيدة زينب
*مير الرومانسية : وياتري اقدراشوف صورتك*لانه مش عايز يتخم تاني
أميرة الرومانسية:بس دادي قايلي متبتعتيش صورك لحد تاني*دادي اللي هو ابة * ا
أمير الرومانسية:طيب ممكن توصفيلي نفسك؟
أمير الورمانسية : طبعا انا بيضا *سودة معفنة* طولي168سم *122سم* وزني 65كيلو *104كيلو* وشعري اصفر وناعم *اسود ومكتكت*وعيوني خضرا*وبأستك من فوق*
ومناخيري صغيرة *زلومة*وبقي صغير*نفق احمد حمدي* ا
أمير الرومانسية:وانا طولي 184سم*153سم*وشعري بني*اصلع اساسا* ا
المهم انهم اتوهموا ببعض وقرروا يبعتوا صورهم لبعض وطبعا امير الرومانسية جاب صورة لعيب اسباني ماتكونش عارفاه وبعتهالها علي انها صورته وأميرة الرومانسية جابت صورةممثلة روسية هو مش عارفها ووسعت منهم الاشتغالة عالآخر بس القدر انقذهم لوحده قبل الفاس ماتقع في الراس ويقطعوا حقيقة بعض والنت فصل من عند اميرة الرومانسية ولما رجعت لقت امير الرومانسية منفضلها جدا ومش فاضيلها لانه شبك مع مزة تانية "مضروبة برضه" وبيمارس هوايته بيشتغلها ويخليها تشتغله ويصدقوا بعض
alian
مواقع النشر (المفضلة)