صبــاح الخيـــر جميـــعاً ...
أبيـــات قرأتها ولمــست بهــا عــذووبة الشعــــر .. فأحببــت أن تشــاركــوني
ماقـــرأت ..
[align=center] هلا يامطول الغيبه .. مثـل ماقـال : ابـو نـوره
( هلا يامطول الغيبه .. من قليبـي أهلـي بـه )
هلابك والقصيد اللـي بكالـك فـزت .. بحـوره
وانا مثله برحب بك .. هـلا بـك كثـر ترتيبـه
قبل عاميـن ياقسـوة زمانـي .. ياكبـر جـوره
عطاني .. ماعطا .. غير الطعون وشف مضاريبه
قبـل عاميـن ودعتـك بنفـس ٍ حيـل مكسـوره
مشيت وأثرك بدمي .. توقـف بـه وتمشـي بـه
قبل عامين ولروحي صرخـت وقلـت : ماجـوره
حبيبك فارقـك ..والقلـب عسـاه يهـون تعذيبـه
ماغير اتخيلك واطلق عناني .. وارسمك صـوره
واقـول الله يجيـب اللـي تركنـي الله .. يجيبـه
غدا غيابي مع العالم .. غيـاب ٍ مثلـه حضـوره
وحيد ووضعي المزري ولااحد ٍ جـا .. يواسيبـه
ونشف دمعي ولاباقـي دمـوع ٍ فيـك محجـوره
وكم صدرى تنهد بك .. وكـم مـره عـوى ذيبـه
كأن همومي بحدب الضلوع العـوج .. مسمـوره
وكأن ( أبو السهر ) ضيف ٍ .. وأنا عيوني معازيبه
وأنا يامـا ترجيـت الغيـاب .. تهاجـر طيـوره
تروح وترجع بلحظه .. وأقـوم أصـارع الخيبـه
وانا والله مـن صغـري ونفسـي فيـك مامـوره
صدقت وسقت لك قلـب ٍ يحبـك وأكثـره طيبـه
وأنا طبعي مثل ربعي .. وعهدى مااهدم جسـوره
وأذا قلت العهد يعنـي .. اوفـي بـه اوفـي بـه
حبيبي كيف أبنسى والهوى لك باني قصـوره ..؟؟
بجوفي .. وأكثر وأكثر مخفي لك .. بخافـي بـه
حبيبي جيت والدنيا غدت من جيـت .. ممطـوره
رويت ارض الخفوق اللي .. تصبح به وتمسي به
لك الله ماحدٍ غيرك شعوري هام لشعوره
ولايمكن يجي غيرك .. وغيرك ويش انـا ابيبـه
أبهديك القصايـد كـل أبوهـا عشـق .. منثـوره
وأبطفي بك جمر بعدك .. وأببعـد عـن لواهيبـه
وأبضحك وإطرد احزاني .. وأرجّع مافنـى iiدوره
وأعيشك واقع ٍ يقطع .. جـذور الشـك والريبـه
وأبجمع كل أبو جـد الغـرام وأسكـب عطـوره
وأرش الكون بحضورك .. ( ياعم الملح والهيبه )
وانا شاعر وكل شاعـر يبـي يكتـب لجمهـوره
وأنا جمهوري عيونك مدام عيونـك ..مصيبـه !!
وإذا شفت القصايد في ( فواصل ) يـوم منشـوره
تراها بس مـن حبـك ..أبـي أرضـي مطاليبـه
هلا بك والهوى جيش ٍ وقـف لـك كـل طابـوره
يغنـي بـس لرجوعـك وانـا مثلـه بغنـي بـه
بغني به وأغنـي لـك مثـل ماقـال ابـو نـوره
هلا يامطـول الغيبـه .. هـلا يامطـول الغيبـه
للشـــاعر/ ضحـــوي الأســلمـــــي [/align]
مواقع النشر (المفضلة)