رداً على قصيدة الشاعر/ ناصر القحطاني بــ(حائل وشمر)
هذه القصيده للشـــاعر / نجــم الأســلمي
يرد بهــا علــى قصيـــدة (شمـــر ) للشــاعر / نــاصر القحطــاني ..
[poem=font="Simplified Arabic,4,black,normal,normal" bkcolor="skyblue" bkimage="" border="double,4,gray" type=1 line=0 align=center use=ex num="0,black"]
بديت باللي ينيـر الكـون بسراجـه
الواحـد اللـي ينيرالكـون لاسمـر
سبحان منهو نحت للسيـل مدراجـه
مظهر نجومه ليامـن الشفـق حمـر
ومن بعد ذكره وردت القاف لي حاجه
وشربت لين أرتويت وخاطري زمر
وبديت سيناريو شعري مع إخراجـه
ردً على الشاعر اللي ماهـو مقمـر
بالله يامـودي المكتـوب رح ناجـه
وسلم عليـه وتكلـم بأسمنـا شمـر
سلم على اللي لضيفه يضحك حجاجه
من لابـةً تشبـع الجيعـان لاظمـر
تاريخ قحطان مثل الشمـس وهاجـة
غلطان منهو يقول الشمـس تنخمـر
وفي حاضر اليوم شال الطيب هداجه
أنا أشهد انه علـى الشعـار ينومـر
الشاعر اللي بيوت الشعـر تحتاجـه
ناصر لسلم الجـدود الطيبـه عمـر
هم منبع الطيب هم ساسـه وإنتاجـه
والطيب وسط البيوت الطيبـه ثمـر
كريم برقً علـى قحطـان ملعاجـه
على المطر في بلد قحطـان ينهمـر
بديار قحطان طيـر العـز مدلاجـه
عسى النفل في فياضه كثب ومغمـر
مدحت ربعً ماهـم للطيـب سماجـه
والطيـب مستاقـدً فيهـم ولا جمـر
ولاهمنـي واحـدً خطوتـه منعاجـه
أعرف راع العمار من الـذي دمـر
ولاني بمتحسف بشعري على حاجـه
إلا اني اروح مارديـت عـن شمـر[/poem]
رد مع اقتباس
مواقع النشر (المفضلة)