[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
قناعتي فـالقرار اللـي فرضـه النصيـب
.............إظروفنا .. ودتـه ..!! واقدارنـا.. جابتـه

ولاعاد باقي من المشـوار قبـل المغيـب
.............إلا شعـورٍ .. كفيـل الوقـت.. بـإذابتـه

وعني رميت احتمال اطيب؟ والا ما اطيـب!؟
.............سؤال عقب الجفا .. مـا تلـزم.. إجابتـه

درهم أمل .. حاز له.. قنطار هـم ونحيـب
.............أخير مـن ياسـي المحكـم علـي غابتـه

جيت اتفائل لقيـت الحـزن صـدره رحيـب
.............رميـت نفسـي عليـه .. ولجـت إذيابتـه

قلت احتضني عـن إذلال السـؤال الرهيـب
.............وعن شح نفسٍ علي شحـت بمـا اصابتـه

من موت الاحساس صار العشق وجهه كئيب
.............وحجم الالم ماقـدرت اقـرا وش إكتابتـه؟

اقنعني الموقـف القاسـي وانـا مستريـب
.............جيته على اخـر رمـق محتـاج لـإثابتـه

وراني الصـد وشلونـه .. بعيـن القريـب
.............ووشلون .. عمر الوفا .. يقهرك بإنهابتـه

ووشلون دم الغـرام يصيـر مالـه طليـب
.............ووشلـون حجـم القهـر بعيـون طلابتـه

وإن انتقام القلـوب المغرمـه مـن حبيـب
.............اشـد وطـأه علـى المغـرم إذا صابـتـه

رغم ان عشقي لـه انهـارٍ بليـا حسيـب
.............اليوم يضحك علـى همـي .. وانـا كابتـه

لو الالم كان مـن خنجـر بكـف الغريـب
.............ماشلـت هـم الالـم لـو طعنتـه ثابتـه

ماعاد في وقتنـا .. شـيٍ يسمـى غريـب
.............لو يسحن .. السم .. بإبهامه .. وسبابتـه

قناعتي فـالقـرار اللـي قسمـه النصيـب
.............إظروفنا .. حدتـه ..!! واقدارنـا.. جابتـه [/poem]