[align=center]
السلام عليكم ورحمه الله وبركاته
أسعد الله أوقاتكم ...
قصيده .. / .. موقف
كانت فكرتها موجوده .. ولكن أتى الموقف
الذي جعلها تكتمل !!
يوم انادي له حبيبي .. يوم اناديله .. غــلاي
جتني الطـعنه من ايـده .. طيّب الله فـالها
ليه جازاني .. بصدّه .. من بعد .. صادق وفاي
يوم كل الناس قالوا .. ( هند ) محد ٍ طالهـا
يعني اغليته .. عشقته .. يعني هذا كل جزاي ؟
ما ابي الدنيا بدونه .. مال قلبي .. ومالها
بشروه اني أبرحل .. واترك الدنيا .. وراي
ليه خلا .. من تحبه .. ومن تبيه .. لحالها
راح وابعد عن حياتي .. وابتدى فيني .. عناي
وانتهت عشره قديمه .. ولا لي حيلهْ احْتالها
بلغوه اني نسيته .. وانتهى فـيني هواي
قولوا . . تمحيك إبدويه ..وماتجول فـبالها
ايه هالحين اكتشفته .. مو كفو لكن .. بلاي
ماعرفت ان الليالي .. خاينه .. بأفعالها
مادريت انه .. يخون وماجزيته .. في جفاي
بلغوه اني وفيّه صعب قـرب وصالها !!
روح ياخاين .. نسيتك .. يووووهـ عذرا ً .. ياغلاي
مو انا اللي تمحي غالي .. كان ماخذ بالها
بنتهي من بعد حبك .. وابتعد واعلن جفاي
والليالي معقّده لكن .. بفك .. حبالها
خارج نطاق التغطيه ....!!!!!
رح ..في طريقـك جعلها لك مسافير
الحظ ..طايح ..قبل اعـرفك واشـوفك
ترحل . . تجي . . بأرضخ لحكم المقادير
قلبي.. ترى اتعوّد.. يفارق طـيوفـك
كنت .. هنا !!
بدويهـ
[/align]
مواقع النشر (المفضلة)