[align=center]السلام عليكم ورحمة الله وبركاته
ياليت تجربونها
المقادير
3 كاسات رز المهيدب
دجاجه
بصل + طماط + بهارات مشكله + فلفل أسود .
لومي أسود + كـمون + مسمار ( قرنفل ) + قليل من الهيل تقريبأ 5 حبات
ورق الغار + أعواد دارسين .
ملح + ماجي أبيض + مكعب ماجي الدجاج <<<<<<<< حسب الذوق الماجي اذا تحبين حطي ماتحبين بلاش بس يعطي طعم
* الطريقه :
نغسل الرز وننقعه بمااااااء داافئ
وبعدها
يفرم البصل صغير ويحمر على النار
بعد مايتحمر البصل على النار تضيفين له الدجاج المقطع الى اربع قطع او قطعتين
وتضيفينه له بعد ماينشف من الدجاج المويه
تضيفين له البهارات والفلفل الاسود واعواد الدارسين والقرنفل والهيل والماجي والملح وباقي البهارات
وتكونين مقطعه الطماطه ( طماطه كبيرة) تحطينها فوقها
لين تذبل
وبعدها تصبين عليه ماااااء مغلي .
وتخلينه يطبخ لين يستوي الدجاج
******* طريقه الكشنه :
خوذي بصله صغيره قطعيها حيل صغير وحمريها بمقدار واحد بياله زيت ( كاسه شاهي ) على النار
لين ينضج البصل ويشقر
تضفين له طماطتين كبيرة حمراء
مقطعه أكبر من تقطيع البصل بشوي
الين تستوي وتضفين عليها ملعقه معجون صلصه طماط لين تمتزج معاها وتستوي
وتضفين له الكمون نص ملعقه شاي .
وتضفين له قليل قليل من الهيل المطحون
وبعد ماتستوي الكشنه طفي النار وخليها
***************************
بعد مايستوي الدجاج تطلعينه وتحطينه بصينيه الفرن .
وخوذي شوي صبغ الزعفران مع قليل من الليمون واصبغي فيه الدجاج ودخليه الفرن للتتحمر .
صفي ماء الدجاج من اعواد الدارسين والبصل والهيل يكون عندك بعد ماتصفينه ماء صافي.
ورجعيه على النار .
ملاحظه ( تصفين المرق من اي نقطه زيت )
بعد مايغلي تكونين مصفيه الرز من المويه وتضيفينه له
وتخلينه يطبخ لين يغلي والماء لازم يكون مغطي الرز بشوي ماهو كثير ( لان الرز ماخذ كفايته من التنقيع ) .
بعد مايطبخ الرز والماء فيه
ضيفي له الكشنه وخليها تطبخ معه
وامزجيهاا بالملاس ((ملعقه الرز الكبيرة )) مع بعض .
وقبل لا ينشف الرز من الماء قصري على النار .
ولا استوى قدميه بصحن التقديم
وزينيه بشرائح الليمون والكزبرة .
بالهنااااااااااء والعافيه
بس طعمه حيل لذيذ وابغيكم تقولون لي رايكم .[/align]
مواقع النشر (المفضلة)