السلام عليكم ورحمة الله وبركاته
مساكم الله بالخير ولا صبحكم الله بالخير
صراحه ما عندي مقدمه اقولها لاكن القصيده تعبر عن نفسهاا
[align=center]هاتي جديدك ياقناة الجزيره
يازين والله ما جلبتي من اخبار
ماصار بهل الدين عين" بصيره
ولا على اهل الشرك تغضين الابصار
ما تجلبين الخير دايم شريره
ياجعل من حطك القصاف الاعمار
يالله بصاروخ"يجينا بشيره
نوعه فريد" من صناعات فجار
عشرين عام"والنصارى تديره
ولا طبقوه الا بعد شق الازوار
وعقب انتهو عجزو يسوون غيره
من دق اصاباته يضيعن الافكار
يجيبه الله فاقد"خط سيره
يضرب مقرك بالغلط وقت الاسحار
والناس غرقا بالمنام وقريره
من سرعته يسبق تصافير الانذار
وياصل ورى الحد الكويتي عويره
من قوته تهتز ضلعان سنجار
ومايترك المن ينصر الشرك ديره
ولتابعين الشرك ما يترك اثار
انشاهد اجثثهم بفعله خطيره
تنقل لنا صورها محطات الاقمار
وحرب"علينا يالعرب مستديره
يشنها شلة يهود" وكفار
امكبرينه والدعاوي صغيره
حنا ولا مستغربين اللذي دار
الاندلس طاحت وراحت ضريره
يرحم صلاح الدين ماعقبه اخيار
ونهبت فلسطين الفتاه الغريره
خمسين عام"في عواقيب واحصار
واليوم ذي بغداد تنخى كسيره
وحنا نتابعها بالاخبار وش صاار
نحسب ضحاياها ولافيه غيره
حريمهم تنعى وتلطم بالاخمار
وبوش يتعذر ضرب الاحيا الفقيره
والغل في كبده على المسلم البار
ويقول حنا ناويين اتحريره
بنخلصه من حكم طاغي وجبار
لا شك هو الطاغيه مع نصيره
شارون هو وياه باللقمه اخشار
وحرب"على شعب العرب مستديره
يشنها شلة يهود"وكفار
صارت مسلسل دون حلقه اخيره
عنوانه الارهاب وسلاح دمااار؟[/align]
وسلامتكم.....
مواقع النشر (المفضلة)