رووحي !!

[شفاوي]

السلام عليكم ورحمة الله وبركاته
كالعاده ماعندي مقدمه واحب ادخل بالقصيده دايركت
من دون اي تبريحات


رحلت عن دنياك بنسى حنينك
ولا رحل عني عذابي ونوحي

لا جيت ابنسى شفت طلة جبينك
من شاشة التفكير عيت تروحي

وانته تسولف لي بنامل يدينك
ماوحي كلامك لكن القلب يوحي

يا مبتغاي وسلوتي في سنينك
ياول مشاويري وياخر نزوحي

جيتك وابيك اتلد لي ناظرينك
ولا تكرر الطعنه بقلب"سموحي

بمدلك يمناي وعطني يمينك
وابشر بقلب" بالمحبه يفوحي

كثر المسافه بين عيني وعينك
وكثر الغموض اللي يعكسه وضوحي

وكثر الشبه ما بين طبعك وزينك
وكثر اختلافه واقعي عن طموحي

وكثر الغلا اللي تملك الوالدينك
وكثر الصدور الراحبه للمزوحي

وكثر مادمعك رحم وجنتينك
وكثر المطر ماحن جدب السفوحي

وكثر الجفا من ناسك وهاجرينك
يارحم ابوك ان كان تفهم وتوحي

اغليك ثم اغليك وابقى رهينك
دامك جروحي وانت بلسم جروحي

لو خيروني بين روحي وبينك؟
اكيد ياروحي تخيرت روووحي!!!

وسلامتكم..

[الحوراء بنت نجد]

شفاوي


مشاعر جليه من روح شاعرها الذي يغمرنا


بهذا الفيض من المعاني العذبه--


مرحبآ بك بين محبيك في كل جديد تقدمه بمقدمه


وبدون مقدمه فهو يقدم عذب المعاني---


هلابك---------------


الحوراء-بنت نجد

[شفاوي]

اختي الحوراء
اشكرك على مرورك نورتي صفحتي ياشاعرتناااا
والبقا فيك وفي جميع اسرة الزين ولا خلا ولا اعدم منكم ان شالله...
بأنتظار جديدك نحن ايضا"وووووووووو

احترامي لك ,,