يســـعــد صبــاحــكــــم ..
.
.
.


[poem=font="Simplified Arabic,5,crimson,bold,normal" bkcolor="black" bkimage="" border="ridge,4,crimson" type=1 line=0 align=center use=ex num="0,black"]
جت له على كيفـه وثبـت محلـه=القلب صار بحكمته خدر الأعيـان
شرعـت بيبـان الغـلا وستحلـه=وأصبح هو الآمر و هو صاحب الشان
بسكات وبسرعه ولا حد ٍ فطن لـه=لمحة بصر حتى عزف حلو الألحان
الله عليـه الـدرب كنـه يـدلـه=كنه يدل القلـب شريـان شريـان
واليوم انـا ويـاه مذهـب وملـه=متقاسمين الود في كـل الأحيـان
الليل بوجـوده حشـا مـا تملـه=كن السعاده غيم وتسـوق هتـان
وإليا تثنـى وأسـود الليـل فلـه=وأصبح يكف مجدل ٍ فـوق الأمتـان
وإلتف يمـي بالرمـوش المظلـه=قلت: أشهد إني رايح ٍ في خبر كـان
كل المشاعر روساااا وعزفـن لـه=تقول في يمنـاه خاتـم سليمـان
لحظة فرح في خاطـري مسفهلـه=أسرح بها كني من الـود رويـان
أثر الحلـوم تـزود القلـب علـه=وأثر القلوب تقرب أوطان لأوطـان

.
.

للشـاعـر/ عبدالله بن راجس [/poem]